2024 – 25 വാർഷിക പദ്ധതി; 23 സ്കൂ‌ളുകൾക്ക് അടുക്കള പാത്രങ്ങൾ വിതരണം ചെയ്‌ത് കൊയിലാണ്ടി നഗരസഭ

• നഗരസഭാ ചെയർ പേഴ്സൺ സുധ കിഴക്കെപ്പാട്ട് ഉദ്ഘാടനം ചെയ്തു

കൊയിലാണ്ടി:2024 – 25 കൊയിലാണ്ടി നഗരസഭ വാർഷിക പദ്ധതിയിൽ ഉൾപ്പെടുത്തി സ്കൂളുകൾക്ക് അടുക്കള പാത്രങ്ങൾ വിതരണം ചെയ്തു. ടൗൺഹാളിൽ വച്ച് നടന്ന ചടങ്ങ് നഗരസഭാ ചെയർ പേഴ്സൺ സുധ കിഴക്കെപ്പാട്ട് ഉദ്ഘാടനം ചെയ്തു .

നഗരസഭ ക്ഷേമ കാര്യ സ്റ്റാൻ്റിങ് കമ്മറ്റി ചെയർമാൻ കെ. ഷിജു മാസ്റ്റർ അധ്യക്ഷത വഹിച്ചു. നഗരസഭയിലെ 23 വിദ്യാലയങ്ങൾക്കാണ് അടുക്കള പാത്രങ്ങൾ വിതരണം ചെയ്തത്. നഗരസഭ സ്റ്റാൻ്റിങ് കമ്മറ്റി ചെയർമാൻമാരായ കെ.എ ഇന്ദിര ടീച്ചർ, ഇ, കെ അജിത് മാസ്റ്റർ, പ്രജില സി, കൗൺസിലർമാരായ വത്സരാജ് കേളോത്ത്, എ. അസീസ് മാസ്റ്റർ, ഭവിത . സി എന്നിവർ ആശംസകളർപ്പിച്ചു സംസാരിച്ചു. നിർവ്വഹണ ഉദ്യോഗസ്ഥ കെ. ലൈജു പദ്ധതി വിശദീകരണം നടത്തി. വിദ്യാഭ്യാസ സ്റ്റാൻ്റിങ് കമ്മറ്റി ചെയർപേഴ്സൺ നിജില പറവക്കൊടി സ്വാഗതവും കൗൺസിലർ രമേശൻ വലിയാട്ടിൽ നന്ദിയും പറഞ്ഞു.