നോർക്ക- റൂട്ട്സ് ഡയറക്ടേഴ്സ് സ്കോളർഷിപ്പ്; അപേക്ഷാ തീയതി നീട്ടി
- പ്രവാസികളുടെ മക്കൾക്ക് ഉന്നത വിദ്യാഭ്യാസത്തിനായി ധനസഹായം ലഭിയ്ക്കും
തിരുവനന്തപുരം :പ്രവാസികളുടെയും മുൻപ് പ്രവാസികളായിരുന്നവരുടെയും മക്കൾക്ക് ഉന്നത വിദ്യാഭ്യാസത്തിന് ധനസഹായം നൽകുന്ന നോർക്ക-റൂട്ട്സ് ഡയറക്ടേഴ്സ് സ്കോളർഷിപ്പിന് അപേക്ഷ നൽകേണ്ട അവസാന തീയതി ഡിസംബർ 15 വരെ നീട്ടി. നവംബർ 30 ആയിരുന്നു അവസാന തീയതി. രണ്ട് വർഷത്തിലധികമായി വിദേശത്ത് ജോലി ചെയ്യുകയും വാർഷിക വരുമാനം 3 ലക്ഷം രൂപ വരെയുള്ള കേരളത്തിലെ പ്രവാസികളുടെയും നേരത്തെ പ്രവാസികളായിരുന്നവരുടെയും മക്കൾക്കാണ് അപേക്ഷിക്കാൻ യോഗ്യതയുള്ളത്.
ബിരുദാനന്തര ബിരുദ കോഴ്സുകൾക്കും പ്രൊഫഷണൽ ഡിഗ്രി കോഴ്‌കൾക്കും 2024-25 അധ്യയന വർഷത്തിലെ ഒന്നാം വർഷ വിദ്യാർഥികൾക്കുമാണ് സ്കോളർഷിപ്പിന് അർഹത. അപേക്ഷകൾ www.scholarship.norkaroots.org വെബ്സൈറ്റ് വഴി ഓൺലൈനായി നൽകണം. പഠിക്കുന്ന കോഴ്‌സിനു വേണ്ട യോഗ്യതാ പരീക്ഷയിൽ കുറഞ്ഞത് 60 ശതമാനം മാർക്കെങ്കിലും നേടിയവരുമാകണം അപേക്ഷകർ.റഗുലർ കോഴ്സുകൾക്കും കേരളത്തിലെ സർവകലാശാലകൾ അംഗീകരിച്ച കോഴ്സുകൾക്കും അംഗീകൃത വിദ്യാഭ്യാസ സ്ഥാപനങ്ങളിൽ പഠിക്കുന്നവർക്കും സ്കോളർഷിപ്പിനായി അപേക്ഷിക്കാനാകും.വിശദവിവരങ്ങൾ 0471-2770528/ 2770543/ 2770500 എന്നീ നമ്പറുകളിലും നോർക്ക ഗ്ലോബൽ കോൺടാക്ട് സെന്ററിന്റെ ടോൾ ഫ്രീ നമ്പറുകളായ 1800 425 3939 (ഇന്ത്യയിൽ നിന്നും) +91-8802 012 345 (വിദേശത്തുനിന്നും, മിസ്സ്ഡ് കോൾ സർവ്വീസ്) നിന്നും ലഭിക്കുന്നതാണ്.
