ബിഎസ്എൻഎൽ ഇ- സിം ലോഞ്ച് മാർച്ചിൽ
- 2025 ജൂൺ മാസത്തോടെ 4ജി വിന്യാസം പൂർത്തീകരിക്കുമെന്ന് ബിഎസ്എൻഎൽ
ന്യൂ ഡൽഹി: ബിഎസ്എൻല്ലിന്റെ ഇ -സിം സൗകര്യമേത്തുന്നു.2025 മാർച്ചിലാണ് ഇ സിം സംവിധാനം ഔദ്യോഗികമായി ലോഞ്ച് ചെയ്യാൻ ബിഎസ്എൻഎൽ ആലോചിക്കുന്നത്. സേവനങ്ങൾ മെച്ചപ്പെടുത്തുന്നതിന്റെയും പുത്തൻ സേവനങ്ങൾ ആരംഭിക്കുന്നതിൻറെയും ഭാഗമായാണ് ബിഎസ്എൻഎൽ ഇ- സിം സൗകര്യം ആരംഭിക്കുകയാണ്.
2025 മാർച്ചിൽ ബിഎസ്എൻഎല്ലിൻറെ ഇ-സിം സൗകര്യം രാജ്യത്ത് ലോഞ്ച് ചെയ്യുമെന്ന് ബിഎസ്എൻഎൽ കൺസ്യൂമർ മൊബിലിറ്റി ഡയറക്ടർ സന്ദീപ് ഗോവിൽ അറിയിച്ചു.
നിലവിൽ സ്വകാര്യം ടെലികോംനിലവിൽ സ്വകാര്യം ടെലികോം പ്രൊവൈഡർമാരായ റിലയൻസ് ജിയോ, ഭാരതി എയർടെൽ, വോഡഫോൺ ഐഡിയ (വിഐ) എന്നിവർ ഇന്ത്യയിൽ ഇ-സിം സൗകര്യം ഉപഭോക്താക്കൾക്ക് നൽകുന്നുണ്ട്.
ഇന്ത്യയിൽ ഇ സിം ഉപയോഗിക്കുന്നവർ വളരെ കുറവാണ്. ഐഫോണുകൾ അടക്കമുള്ള ഹൈ-എൻഡ് ഫോണുകൾക്കാണ് ഇ സിം നിലവിലുള്ളത്. 2025 ജൂൺ മാസത്തോടെ 4ജി വിന്യാസം പൂർത്തീകരിക്കാനും ബിഎസ്എൻഎൽ ലക്ഷ്യമിടുന്നു. ഒരു ലക്ഷം 4ജി ടവറുകൾ എന്ന ലക്ഷ്യത്തിലേക്ക് ബിഎസ്എൻഎൽ അടുത്തുകൊണ്ടിരിക്കുകയാണ്.ഇതിനകം 60,000ത്തിലധികം 4ജിടവറുകൾ ബിഎസ്എൻഎൽ പൂർത്തീകരിച്ചു.
