റിമാൻഡിലായ ബോബി ചെമ്മണ്ണൂർ ജയിലിൽ തുടരും

• ജാമ്യ ഹർജി പരിഗണിക്കുന്നത് ചൊവ്വാഴ്‌ചത്തേക്ക് മാറ്റി

കൊച്ചി:നടി ഹണി റോസിനെതിരെ ലൈംഗികാധിക്ഷേപ പരാമർശം നടത്തിയതിനെതുടർന്ന് റിമാൻഡിലായ ബോബി ചെമ്മണ്ണൂർ ജയിലിൽ തുടരും.

ജാമ്യ ഹർജി പരിഗണിക്കുന്നത് ചൊവ്വാഴ്‌ചത്തേക്ക് മാറ്റി.ഹൈക്കോടതിയിൽ ബോബി ചെമ്മണ്ണൂർ ജാമ്യാപേക്ഷ നൽകിയത് എറണാകുളം ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതി ജാമ്യം നിഷേധിച്ചതോടെയാണ്. നടിയോട് മോശമായി പെരുമാറിയിട്ടില്ല. തനിക്കെതിരെ ആരോപിച്ചിരിക്കുന്ന കുറ്റങ്ങൾ നിലനിൽക്കുന്നതല്ലെന്നും മജിസ്ട്രേറ്റ് കോടതി താൻ ഹാജരാക്കിയ രേഖകൾ കൃത്യമായി പരിശോധിച്ചില്ലെന്നും ബോബി ചെമ്മണ്ണൂർ കോടതിയെ അറിയിച്ചു.