ആഗോള റാങ്കിംഗ് – ആദ്യ 25 ൽ തിളങ്ങി അഹമ്മദാബാദ് ഐഐഎം
- ജെഎൻയു ഇന്ത്യയിലെ മികച്ച സർവകലാശാല
- ലണ്ടൻ ആസ്ഥാനമായുള്ള ഉന്നത വിദ്യാഭ്യാസ അനലിറ്റിക്‌സ് സ്ഥാപനമായ ക്വാക്വരെല്ലി സൈമണ്ട്‌സ് (ക്യുഎസ്) നടത്തിയ പഠനത്തിലാണ് പുതിയ റാങ്കിംഗ്
ന്യൂഡൽഹി: ബിസിനസ്, മാനേജ്‌മെൻ്റ് പഠനങ്ങൾക്ക് ആഗോളതലത്തിൽ മികച്ച 25 സ്ഥാപനങ്ങളിൽ ഒന്നായി അഹമ്മദാബാദിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്‌മെൻ്റ് (ഐഐഎം) തിരഞ്ഞെടുക്കപ്പെട്ടു. കൂടാതെ ക്യുഎസ് വേൾഡ് യൂണിവേഴ്‌സിറ്റിയുടെ കണക്കനുസരിച്ച് ലണ്ടൻ ആസ്ഥാനമായുള്ള ഉന്നത വിദ്യാഭ്യാസ അനലിറ്റിക്‌സ് സ്ഥാപനമായ ക്വാക്വരെല്ലി സൈമണ്ട്‌സ് (ക്യുഎസ്) പ്രഖ്യാപിച്ച റാങ്കിംഗിൽ ഇന്ത്യയിലെ ഏറ്റവും ഉയർന്ന റാങ്കുള്ള സർവകലാശാലയാണ് ജവഹർലാൽ നെഹ്‌റു യൂണിവേഴ്‌സിറ്റി. ഡെവലപ്‌മെൻ്റ് പഠനങ്ങളിൽ ആഗോളതലത്തിൽ 20-ാം സ്ഥാനത്താണ് ജെഎൻയു.
റാങ്കിംഗ് പ്രകാരം ദന്തചികിത്സാ പഠനത്തിന് ആഗോളതലത്തിൽ 24-ാം സ്ഥാനത്താണ് ചെന്നൈയിലെ മെഡിക്കൽ ആൻഡ് ടെക്നിക്കൽ സയൻസസ്. ഏഷ്യൻ മേഖലയിൽ സർവ്വകലാശാലകളുടെ എണ്ണത്തിൽ (69) ചൈനയെ പിന്നിലാക്കി (101) ഇന്ത്യ രണ്ടാം സ്ഥാനം നേടി. മൊത്തം റാങ്കിംഗിൽ നാലാം സ്ഥാനത്താണ് ഇപ്പോൾ ഇന്ത്യ. എൻട്രികളിൽ (454) ചൈന (1,041), ജപ്പാൻ (510), ദക്ഷിണ കൊറിയ (499) എന്നീ രാജ്യങ്ങൾ കഴിഞ്ഞാൽ മികച്ച 200 എൻട്രികളുമായി ഇന്ത്യ അഞ്ചാം സ്ഥാനത്താണുള്ളത്.
