കാർ തലകീഴായി മറിഞ്ഞ് അപകടം

• ഒരേ ദിശയിലേയ്ക്ക് പോകുന്ന കാറുകളുടെ നിയന്ത്രണം വിട്ട് കൂട്ടിയിടിക്കുകയായിരുന്നു

കൊയിലാണ്ടി:ചേമഞ്ചേരി റെയിൽവേ സ്റ്റേഷന് അടുത്ത് ദേശീയപാതയിൽ കാറുകൾ കൂട്ടിയിടിച്ച് അപകടം. ഇന്ന് രാവിലെ 10.30 ഓടെയാണ് അപകടം നടന്നത്. ഒരേ ദിശയിലേയ്ക്ക് പോകുന്ന കാറുകളുടെ നിയന്ത്രണം വിട്ട് കൂട്ടിയിടിക്കുകയായിരുന്നു.

ഇടിയുടെ ആഘാതത്തിൽ കാറുകൾ തലകീഴായി മറിഞ്ഞു. ഒരു കാറിന് പുറകിലായി മറ്റൊരു കാർ വന്ന് ഇടിക്കുകയായിരുന്നുവെന്ന് നാട്ടുകാർ പറഞ്ഞു. അപകടത്തിൽ പൂക്കാട് കൊളക്കാട് സ്വദേശി ലത്തീഫിന് പരിക്കേറ്റു. ഇരു കാറുകളും തകർന്ന നിലയിലാണ്.