ഖേൽരത്നനയിൽ മനു ഭാക്കറിനെ ശുപാർശ ചെയ്യാതെ കേന്ദ്ര കായിക മന്ത്രാലയം

• 30 കായിക താരങ്ങളെ അർജുന അവാർഡിനും സമിതി ശുപാർശ ചെയ്തു

ന്യൂഡൽഹി: രാജ്യത്തെ പരമോന്നത കായിക ബഹുമതിയായ ഖേൽരത്നനയിൽ ഒളിംപിക്സ് മെഡൽ ജേതാവ് മനു ഭാക്കറിനെ ശുപാർശ ചെയ്യാതെ കേന്ദ്ര കായിക മന്ത്രാലയം. മനു ഭാക്കർ പുരസ്കാരത്തിന് അപേക്ഷിച്ചിട്ടില്ലെന്നാണു കേന്ദ്രം നൽകുന്ന വിശദീകരണം. എന്നാൽ, അപേക്ഷ അയച്ചിരുന്നുവെന്ന് മനുവിൻ്റെ കുടുംബവുമായി ബന്ധപ്പെട്ട വൃത്തങ്ങൾ പ്രതികരിച്ചു.

വിരമിച്ച സുപ്രിംകോടതി ജഡ്‌ജി ജസ്റ്റിസ് വി. രാമസുബ്രഹ്മണ്യൻ അധ്യക്ഷനായ 12 അംഗ സമിതിയാണ് ബഹുമതിക്കായി താരങ്ങളുടെ പേര് ശുപാർശ ചെയ്‌തത്‌. ഇന്ത്യൻ പുരുഷ ഹോക്കി ടീം ക്യാപ്റ്റൻ ഹർമൻപ്രീത് സിങ്ങിനെയും പാരാലിംപിക്‌സ് മെഡൽ ജേതാവ് പ്രവീൺ കുമാറിനെയും ഖേൽരത്നയ്ക്ക് ശിപാർശ ചെയ്തിട്ടുണ്ട്. 30 കായിക താരങ്ങളെ അർജുന അവാർഡിനും സമിതി ശുപാർശ ചെയ്തു