ശബരിമല; മണ്ഡല പൂജയ്ക്കും മകരവിളക്കിനും വെർച്വൽ ക്യൂ വെട്ടിക്കുറച്ചു

• തിരക്ക് പരിഗണിച്ച് സ്പോട്ട് ബുക്കിംഗ് ഒഴിവാക്കാനും തീരുമാനമുണ്ട്

പത്തനംതിട്ട: ശബരിമലയിൽ മണ്ഡല പൂജയ്ക്കും മകരവിളക്കിനും വെർച്വൽ ക്യൂ വെട്ടിക്കുറച്ചു. ഭക്തരുടെ വൻ തിരക്ക് പരിഗണിച്ച് സ്പോട്ട് ബുക്കിംഗ് ഒഴിവാക്കാനും തീരുമാനമുണ്ട്.ഈ മാസം 25ന് വെർച്വൽ ക്യൂ വഴി 54,000 പേർക്ക് മാത്രമായിരിക്കും ദർശനം.

26ന് ദർശനം 60,000 പേർക്കായി നിയന്ത്രിച്ചു. ഈ സീസണിൽ സന്നിധാനത്ത് ഏറ്റവും കൂടുതൽ ഭക്തരെത്തിയത് ഇന്നലെയാണ്. ഇന്നലെ 96,853 പേരാണ് ദർശനം നടത്തിയത്. ഇത് പരിഗണിച്ച് മണ്ഡല പൂജയ്ക്കും മകര വിളക്കിനും കൂടുതൽ ഭക്തരെത്താനുള്ള സാധ്യത മുന്നിൽ കണ്ടുമാണ് നിയന്ത്രണം ഏർപ്പെടുത്തിയത് .