കൊയിലാണ്ടി റയിൽവേ സ്റ്റേഷൻ നവീകരണത്തിനും അടിസ്ഥാന സൗകര്യങ്ങളും മറ്റും മെച്ചപ്പെടുത്തുന്നതിനും ഉന്നത തലത്തിൽ കൊടുത്ത നിവേദനത്തിന് മറുപടി ലഭിച്ചു
- കൊയിലാണ്ടിയിലെ ഗിരീഷിന്റെ നേതൃത്വത്തിൽ ഉന്നത തലത്തിൽ കൊടുത്ത നിവേദനത്തിനാണ് മേൽ പറഞ്ഞ മറുപടി കിട്ടിയത്.
കോയിലാണ്ടി:കൊയിലാണ്ടി റെയിൽവേ സ്റ്റേഷനിലെ വരുമാനത്തിലെ കുത്തനെയുള്ള വർധനവ് കാരണം ഇപ്പോൾ കൊയിലാണ്ടി റെയിൽവേ സ്റ്റേഷൻ എൻ‌എസ്‌ജി ഗ്രേഡ് 3 അപ്‌ഗ്രേഡ് (അതായത് എ ഗ്രേഡ് സ്റ്റേഷൻ) നിലവാരത്തിലാണ്.യാത്രക്കാരുടെ സൗകര്യാർത്ഥം, അടിസ്ഥാന സൗകര്യങ്ങളും മറ്റും മെച്ചപ്പെടുത്തുന്നതിനും കൂടുതൽ ട്രെയിൻ സ്റ്റോപ്പുകൾക്കുമുള്ള ആവശ്യം സമർപ്പിച്ചു .
അതിനാൽ ഇതെ ഗ്രേഡഡ് മറ്റു സ്റ്റേഷനുകളിലെ പോലെ റെയിൽവേയുടെ വരുമാനം കൂടുതൽ മെച്ചപ്പെടുത്തുന്നതിന് കൂടുതൽ ട്രെയിൻ സ്റ്റോപ്പുകൾ അനുവദിക്കാനും അമൃത് ഭാരത് പദ്ധതി പ്രകാരം സ്റ്റേഷൻ നവീകരിക്കാനും കൂടാതെ രണ്ടാം പ്ലേറ്റ്ഫോമിന്റെ രണ്ടറ്റതും മേൽക്കൂര വേണമെന്നും മുഴുവൻ സമയ റിസർവേഷൻ സൗകര്യം പുനസ്ഥാപിക്കണമെന്നും ആവശ്യപ്പെട്ടു.
ഇതിന് പാലക്കാട്‌ റെയിൽവേ ഡിവിഷണൽ മാനേജർ താഴെ പറയുന്ന മറുപടി നൽകിയിട്ടുണ്ട്.
” ഞങ്ങൾ ആവശ്യങ്ങൾ വിശദമായി പരിശോധിച്ചു. നിങ്ങളുടെ അന്വേഷണങ്ങളുമായി ബന്ധപ്പെട്ട് ഇനിപ്പറയുന്ന അഭിപ്രായങ്ങൾ നൽകിയിരിക്കുന്നു: • കൂടുതൽ ട്രെയിൻ സ്റ്റോപ്പുകൾ വേണമെന്ന നിങ്ങളുടെ നിർദ്ദേശം ശ്രദ്ധിക്കുകയും അത് പരിശോധിക്കുകയും ചെയ്യും,സ്റ്റേഷൻ നവീകരണം, ഷെൽട്ടറിന്റെ വിപുലീകരണത്തിനുള്ള നിർദ്ദേശം എന്നിവ സമർപ്പിച്ചു കഴിഞ്ഞു. അനുമതി ലഭിച്ചുകഴിഞ്ഞാൽ ജോലികൾ ഏറ്റെടുക്കും. കൊയിലാണ്ടി റെയിൽവേ സ്റ്റേഷൻ വികസിപ്പിക്കുന്നതിനുള്ള അഭ്യർത്ഥന ശ്രദ്ധിക്കുകയും അത് പരിശോധിക്കുകയും ചെയ്യും,റിസർവേഷൻ സൗകര്യത്തിനായി കൊയിലാണ്ടി റെയിൽവേ സ്റ്റേഷനിൽ ഒരു ഐയുടിഎസ് കൗണ്ടർ 24 മണിക്കൂറും പ്രവർത്തിക്കുന്നു, അവിടെ 08:00 മണി മുതൽ 20:00 മണി വരെ റിസർവേഷൻ ടിക്കറ്റുകൾ നൽകുന്നു. കൂടാതെ, യാത്രക്കാർക്ക് റിസർവ് ചെയ്യാത്ത ടിക്കറ്റുകൾ നൽകുന്നതിന് മൂന്ന് എടിവിഎമ്മുകൾ സ്റ്റേഷനിൽ ലഭ്യമാണ്.”
കൊയിലാണ്ടിയിലെ ഗിരീഷിന്റെ നേതൃത്വത്തിൽ ഉന്നത തലത്തിൽ കൊടുത്ത നിവേദനത്തിനാണ് മേൽ പറഞ്ഞ മറുപടി കിട്ടിയത്.
