ഗുരുദേവ കോളജ് സംഘർഷം; 4 വിദ്യാർഥികളുടെ സസ്പെൻഷൻ പിൻവലിച്ചു

• ഇന്നു മുതൽ സസ്പെൻഷൻ പിൻവലിക്കാൻ തീരുമാനിച്ചത് കോളജ് കൗൺസിൽ ഓൺലൈനായി നടത്തിയ യോഗത്തിലാണ്

കൊയിലാണ്ടി:കൊല്ലം ഗുരുദേവ കോളജിലെ സംഘർഷവുമായി ബന്ധപ്പെട്ട് 4 എസ്എഫ്ഐ പ്രവർത്തകരായ വിദ്യാർഥികളെ സസ്പെൻഡ് ചെയ്ത നടപടി പിൻവലിച്ചു. നടപടി പിൻവലിച്ചത് അന്വേഷണ കമ്മിഷനു മുൻപാകെ ഇവർ നൽകിയ വിശദീകരണത്തിന്റെ അടിസ്‌ഥാനത്തിലാണ്.

രണ്ടാം വർഷ ബിബിഎ വിദ്യാർഥി എം.കെ.തേജു സുനിൽ, മൂന്നാം വർഷ ബിബിഎയിലെ ടി. കെ. തേജു ലക്ഷ്‌മി, രണ്ടാം വർഷ ബികോമിലെ ആർ.പി.അമാൽ രാജ്, രണ്ടാം വർഷ സൈക്കോളജിയിലെ അഭിഷേക്.എസ്.സന്തോഷ് എന്നിവർക്കെതിരായ നടപടിയാണ് പിൻവലിച്ചത്.

ഇന്നുമുതൽ സസ്പെൻഷൻ പിൻവലിക്കാൻ തീരുമാനിച്ചത് കോളജ് കൗൺസിൽ ഓൺലൈനായി നടത്തിയ യോഗത്തിലാണ് . ഇത്തരം പ്രവർത്തികൾ ആവർത്തിക്കരുതെന്ന് ഇവർക്കു കർശന നിർദേശം നൽകിയതായി കോളജ് അധികൃതർ അറിയിച്ചിട്ടുണ്ട്.