തിരുവമ്പാടിയിൽ സൗഖ്യഗ്രാമം പദ്ധതിക്ക് തുടക്കമായി

• ഗ്രാമപ്പഞ്ചായത്ത് പ്രസിഡന്റ് ബിന്ദു ജോൺ സൺ പദ്ധതി പ്രഖ്യാപനം നിർവഹിച്ചു

തിരുവമ്പാടി:തിരുവമ്പാടിഗ്രാമപ്പഞ്ചായത്ത് കുടുംബാരോഗ്യകേന്ദ്രത്തിന്റെ ആഭിമുഖ്യത്തിൽ നടപ്പിലാക്കുന്ന ജീവിതശൈലീരോഗ നിയന്ത്രണ പദ്ധതിയായ ജീവതാളം പദ്ധതിയും മഹിളായോഗ പദ്ധതിയും സംയോജിപ്പിച്ച് സൗഖ്യഗ്രാമ പദ്ധതി നടപ്പാക്കും. ഗ്രാമപ്പഞ്ചായത്ത് പ്രസിഡന്റ് ബിന്ദു ജോൺ സൺ പദ്ധതി പ്രഖ്യാപനം നിർവഹിച്ചു. വൈസ് പ്രസിഡൻ്റ് കെ.എ.അബ്ദുറഹ്‌മാൻ അധ്യക്ഷനായി.

ജീവിതശൈലീമാറ്റത്തിലൂടെ സമ്പൂർണ ആരോഗ്യം എന്ന ലക്ഷ്യവുമായി ജീവിതശൈലീരോഗ നിർണയ ക്യാമ്പുകൾ,വനിതകൾക്കായി യോഗ പരിശീലനം, ഹെൽത്തി ഫുഡ്‌പ്ലേറ്റ്‌ കാമ്പയിൻ, കൂട്ടയോട്ടം, ബോധ വത്കരണ ക്ലാസുകൾ എന്നിവ നടക്കും. മെഡിക്കൽ ഓഫീസർ ഡോ. കെ.വി. പ്രിയ, എം. സുനീർ, ലിസി അബ്രഹാം, റംല ചോ ലക്കൽ, മേഴ്‌സി പുളിക്കാട്ട്, കെ.എം. മുഹമ്മദലി, രാമച ന്ദ്രൻ കരിമ്പിൽ, ലിസി സണ്ണി, പി. ബീന, അപ്പു കോട്ടയിൽ, ഷൗക്കത്തലി കൊല്ലളത്തിൽ, മഞ്ജു ഷിബിൻ, ഷൈനി ബെന്നി, ഡോ. സജിദ, പ്രീതി രാജീവ്, ഡോ. അമൃത നിത്യൻ, ലിഷ ഗോപി എന്നിവർ സംസാരിച്ചു.