നവീകരിച്ച റോഡ് ഉദ്ഘാടനം ചെയ്തു

• ഗ്രാമപഞ്ചായത്ത് മെമ്പർ കുറ്റ്യോയത്തിൽ ഗോപാലൻ റോഡ് ഉദ്ഘാടനം ചെയ്തു

കീഴരിയുർ: കീഴരിയൂർ ഗ്രാമപഞ്ചായത്തിലെ പതിമൂന്നാം വാർഡിൽ തൊഴിലുറപ്പ് പദ്ധതി പ്രകാരം നവീകരിച്ച സി വി കുഞ്ഞാമു റോഡ് എന്ന നാമകരണം ചെയ്യപ്പെട്ട പുതിയോട്ടിൽ മുക്ക്- തെക്കുംമുറി മദ്രസ റോഡ് ഉദ്ഘാടനം ചെയ്തു. ഗ്രാമപഞ്ചായത്ത് മെമ്പർ കുറ്റ്യോയത്തിൽ ഗോപാലനാണ് റോഡ് ഉദ്ഘാടനം ചെയ്തത്.

വാർഡ് വികസന സമിതി കൺവീനർ ശശി പാറോളി ചടങ്ങിൽ അധ്യക്ഷത വഹിച്ചു . ചടങ്ങിൽ ടി.എ സലാം, കുഞ്ഞബ്ദുള്ള തേറമ്പത്ത്, ഭാഗ്യനാഥ് തൈക്കണ്ടി, ടി. സയീദ്, ടി.ടി.കെ കുഞ്ഞിംമൊയ്തി വി.കെ യൂസഫ് തുടങ്ങിയവർ സംസാരിച്ചു. സി.വി അബ്ദുൽ ഖാദർ സ്വാഗതവും തയ്യിൽ ഇബ്രാഹിം നന്ദിയും പറഞ്ഞു.