പോക്സോ കേസിൽ യുവാവ് പിടിയിൽ

• ബേപ്പൂർ സുനാമി കോളനി സ്വദേശി പിന്നാനത്ത് വീട്ടിൽ നിഖിലിനെയാണ് പോലീസ് അറസ്റ്റ് ചെയ്തത്

കോഴിക്കോട്:സ്കൂ‌ൾ വിദ്യാർത്ഥിക്കെതിരെ ലൈംഗികാതിക്രമം നടത്തിയ യുവാവിനെ പൊലീസ് അറസ്റ്റ് ചെയ്തു . ബേപ്പൂർ സുനാമി കോളനി സ്വദേശി പിന്നാനത്ത് വീട്ടിൽ നിഖിൽ(അച്ചു -28)നെയാണ് മാറാട് പൊലീസ് പോക്സോ നിയമപ്രകാരം അറസ്റ്റുചെയ്തത്.

വിദ്യാർത്ഥിയെ ലൈംഗിക അതിക്രമത്തിനിരയാക്കി വിവരം ആരോടും പറയരുത് എന്ന് ഭീഷണിപ്പെടുത്തുകയും ചെയ്തെന്നാണ് കേസ്. ഗോതീശ്വരം ബീച്ചിൽനിന്നും എസ്ഐമാരായ ഷാജി, രമേശൻ, സിപിഒമാരായ രാഗേഷ്, രഞ്ജിത്ത് എന്നിവർ ചേർന്നാണ് പ്രതിയെ പിടികൂടിയത് . കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.