ബൈക്കിന്റെ ചക്രത്തിൽ സാരി കുടുങ്ങി ; പരുക്കേറ്റ് ചികിത്സയിലായിരുന്ന സ്ത്രീ മരിച്ചു

• കോട്ടക്കൽ സ്വദേശി ബേബിയാണ് മരിച്ചത്

മലപ്പുറം:മകനൊപ്പം ബൈക്കിൽ യാത്ര ചെയ്യുമ്പോൾ സാരി ചക്രത്തിൽ കുടുങ്ങി റോഡിൽ വീണ് പരുക്കേറ്റ് ചികിത്സയിലായിരുന്ന അമ്മ മരിച്ചു.മരിച്ചത് കോട്ടക്കൽ സ്വദേശി ബേബി(62) ആണ്.

കോട്ടക്കൽ ചങ്കുവെട്ടിയിൽ കഴിഞ്ഞ ദിവസം ആയിരുന്നു അപകടം നടന്നത്. തലയടിച്ച് വീണ ബേബിയെ അത്യാസന്ന നിലയിൽ കോട്ടക്കലിലെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയായിരുന്നു. ഇന്ന് രാവിലെയാണ് മരണം സംഭവിച്ചത്. ബേബി റോഡിൽ വീണതിന് പിന്നാലെ നിയന്ത്രണം വിട്ട് ബൈക്ക് മറിഞ്ഞ് മകനും താഴെ വീണിരുന്നു.