മൂടാടിയിൽ പുഷ്പകൃഷി വിളവെടുപ്പാരംഭിച്ചു

• വിളവെടുപ്പ് ഗ്രാമപഞ്ചായത്ത് പ്രസിഡൻ്റ് സി.കെ. ശ്രീകുമാർ ഉദ്ഘാടനം ചെയ്തു

മൂടാടി:മൂടാടി ഗ്രാമ പഞ്ചായത്തിൽ ജനകീയാസൂത്രണ പദ്ധതിയിലൂടെ നടപ്പാക്കുന്ന പുഷ്പകൃഷി വിളവെടുപ്പാരംഭിച്ചു. കുടുംബശ്രീ യൂനിറ്റുകളും സ്വയം സഹായ സംഘങ്ങൾ ചെണ്ടുമല്ലിയും വാടാമല്ലിയും കൃഷിഭവൻ മുഖേന നൽകിയ തൈകൾ ഉപയോഗിച്ചാണ് കൃഷി നടത്തിയത്.

കല്ലുവെട്ടി കഴിഞ്ഞ് തരിശായിട്ടിരുന്ന ചെങ്കൽ ക്വാറികളിലും ഈ വർഷം കൃഷി ഇറക്കിയിരുന്നു. വിളവെടുപ്പ് ഗ്രാമപഞ്ചായത്ത് പ്രസിഡൻ്റ് സി.കെ. ശ്രീകുമാർ ഉദ്ഘാടനം ചെയ്തു. കൃഷി ഓഫീസർ ഫൗസിയ, വൈസ് പ്രസിഡൻ്റ് ഷീജപട്ടേരി, സ്ഥിരം സമിതി അധ്യക്ഷരായ എം.കെ. മോഹനൻ- എം.പി. അഖില, വാർഡ് മെമ്പർമാരായ ലത -കെ.പി, ലതിക പുതുക്കുടി, സുനിത സി.എം എന്നിവർ പങ്കെടുത്തു