യു.പി.വിഭാഗം കുട്ടികളുടേയും വനിതകളുടേയും വായന മത്സരം നടന്നു

• പരിപാടി നഗരസഭ കൗൺസിലർ വി . രമേശൻ മാസ്റ്റർ ഉദ്ഘാടനം ചെയ്തു.

കൊയിലാണ്ടി:ലൈബ്രറി കൗൺസിൽ കൊയിലാണ്ടി നോർത്ത് മേഖലാ സമിതിയുടെ നേതൃത്വത്തിൽ യു.പി.വിഭാഗം കുട്ടികളുടേയും,വനിതകളുടേയും വായന മത്സരം നടന്നു.പരിപാടി നഗരസഭ കൗൺസിലർ വി . രമേശൻ മാസ്റ്റർ ഉദ്ഘാടനം ചെയ്തു. മേഖലാ സമിതി ചെയർമാൻ പി. രാജേന്ദ്രൻ അദ്ധ്യക്ഷം വഹിച്ചു. കെ . രാഗേഷ് കുമാർ ആശംസകൾ നേർന്നു സംസാരിച്ചു. മോഹനൻ നടുവത്തൂർ സ്വാഗതവും, ശ്രീജിത്ത് വിയ്യൂർ നന്ദിയും പറഞ്ഞു. തുടർന്ന് നടന്ന മത്സരത്തിൽ യു.പി വിഭാഗത്തിൽ യഥാക്രമം ധ്രുവദർശ് , തനൂജ് , അഹൻ കൃഷ്ണ എന്നിവർ ഒന്നും രണ്ടും മൂന്നും സ്ഥാനങ്ങൾ നേടി.

വനിത ജൂനിയർ വിഭാഗത്തിൽ അശ്വതി.കെ, നിനദ. വി, ആര്യ വി, എന്നിവരും വനിത സീനിയർ വിഭാഗത്തിൽ രശ്മി ദേവി, ഷൈമ , അനന്ദവല്ലി ടി.എം എന്നിവരും ഒന്ന്, രണ്ട്, മൂന്ന് സ്ഥാനങ്ങൾ കരസ്ഥമാക്കി.സുധാകരൻ മാസ്റ്റർ, വിനോദ് മാസ്റ്റർ, രാഗേഷ് കുമാർ മാസ്റ്റർ എന്നിവരാണ് മത്സരം നയിച്ചത്. വിജയികൾക്ക് സമ്മാനങ്ങൾ നൽകി. പരിപാടിക്ക് ഷൈജു പി . കെ, നിധീഷ് , ജയൻ, രജീഷ് , സുരേന്ദ്രൻ, നിധിൽ, പ്രജിത എന്നിവർ നേതൃത്വവും നൽകി.