വയനാട്ടിലെ ഉരുൾപൊട്ടലിന് ഇടയാക്കിയത് കനത്ത മഴ; ജിയോളജിക്കൽ സർവേ റിപ്പോർട്ട്

• സ്ഥലത്തിന്റെ ചെരിവും മണ്ണിൻ്റെ ഘടനയും ആഘാതത്തിന് ആക്കം കൂട്ടി

തിരുവനന്തപുരം: വയനാട്ടിലെ ഉരുൾപൊട്ടലിന് ദുരന്തത്തിന് ഇടയാക്കിയത് കനത്ത മഴയെന്ന് ജിയോളജിക്കൽ സർവേയുടെ പ്രാഥമിക റിപ്പോർട്ട്.
സ്ഥലത്തിന്റെ ചെരിവും മണ്ണിൻ്റെ ഘടനയും ആഘാതത്തിന് ആക്കം കൂട്ടി. ഉരുൾപൊട്ടലുണ്ടാകുന്നതിന് 24 മണിക്കൂർ മുമ്പ് പുത്തുമലയിൽ 372.6 മില്ലീമീറ്റർ മഴ പെയ്തു.സമീപപ്രദേശങ്ങളിലും കനത്ത മഴയാണ് പെയ്തത്. 2019 ൽ പുത്തുമലയിലുണ്ടായ ഉരുൾപൊട്ടലും മുണ്ടക്കൈയിലെ ഉരുൾപൊട്ടലിന് കാരണമായെന്നും റിപ്പോർട്ടിൽ പറയുന്നു.

2018 മുതൽ അപകടമേഖയിൽ ചെറുതും വലുതുമായ ഉരുൾപൊട്ടലുണ്ടായിട്ടുണ്ടെന്നും റിപ്പോർട്ടിലുണ്ട്. അപകടമേഖലയുടെ മലയോരമേഖലകൾ അതീവ ഉരുൾപൊട്ടൽ സാധ്യതാ പട്ടികയിലെന്ന് ജിയോളജിക്കൽ സർവേ റിപ്പോർട്ടിൽ പറയുന്നു.
പ്രദേശത്ത് ജിയോളജിക്കൽ സർവേ വിശദമായ പഠനം നടത്തും.