വള്ളം തകർന്ന് കടലിൽ അകപ്പെട്ട മൽസ്യതൊഴിലാളികളെ രക്ഷപ്പെടുത്തി

• മറൈൻ എൻഫോഴ്സ്മെൻ്റാണ് രക്ഷാപ്രവർത്തനം നടത്തിയത്

കൊയിലാണ്ടി: കരിയർ വള്ളം തകർന്ന് കടലിൽ അകപ്പെട്ട മൽസ്യതൊഴിലാളികളെ മറൈൻ എൻഫോഴ്സ്മെൻ്റ് രക്ഷപ്പെടുത്തി. ഇന്നലെ ഉച്ചയ്ക്കാണ് സംഭവം നടന്നത്.പയ്യോളി ഭാഗത്ത് നിന്ന് അഞ്ച് നോട്ടിക്കൽ മൈൽ അകലെയാണ് അപകടം. ‘ഷാലോം’ എന്ന വള്ളമാണ് തകർന്നത്.

വിവരം ലഭിച്ചതിനെത്തുടർന്ന് പുതിയാപ്പ ഹാർബറിൽ നിന്നും മറൈൻ എൻഫോഴ്മെൻ്റ് എസ്ഐരാജൻ, നിധീഷ്, സുമേഷ്, ബോട്ടിൻ്റെ സ്രാങ്ക് രാജു എന്നിവരടങ്ങുന്ന മറൈൻ എൻഫോഴ്സ്മെൻ്റാണ് രക്ഷാപ്രവർത്തനം നടത്തി വള്ളത്തിലുണ്ടായിരുന്നതൊഴിലാളികളെ രക്ഷപ്പെടുത്തിയത്.