ശിശു ദിനത്തിൽ ഹരിത കർമ്മ സേനാംഗങ്ങളെ ആദരിച്ചു

• വിദ്യാർത്ഥികൾ മാലിന്യ മുക്ത പ്രതിഞ്ജ എടുത്തു

കൊല്ലം :കൊല്ലം യു.പി സ്കൂളിൽ ശിശുദിന ആഘോഷത്തിന്റെ ഭാഗമായി ഹരിത കർമ്മ സേനാംഗങ്ങളെ ആദരിച്ചു.മാലിന്യ പ്രശ്നങ്ങളെയും മാലിന്യം വേർതിരിക്കുന്ന രീതിയെ കുറിച്ചും കുട്ടികൾക്ക് ബോധവൽക്കരണം നടത്തി.

സ്കൂൾ ലീഡർ യാദവ് നാഥ് .ടി.കെ , സ്കൂൾ ഹരിത വിദ്യാലയം സ്റ്റുഡന്റ് കോഡിനേറ്റർ ദേവ തീർത്ഥ എന്നിവർ ഹരിത കർമ്മ സേനാംഗങ്ങളായ തങ്ക കെ.വി , ശ്രീജ എ.കെ എന്നിവരെ പൊന്നാട അണിയിച്ച് ആദരിച്ചു. ചാച്ചാജിയുടെ ലഘു ജീവചരിത്രം വിദ്യാർത്ഥിനിയായ ശിവപ്രിയ അവതരിപ്പിച്ചു. ചടങ്ങിൽ വിദ്യാർത്ഥികൾ മാലിന്യ മുക്ത പ്രതിഞ്ജ എടുത്തു.ഹെഡ്മിസ്ട്രസ്സ് ജിസ്ന എം,ആര്യ ചന്ദന എന്നിവർ നേതൃത്വം നൽകി.