ലഹരി വിൽപന നടത്തിയ രണ്ടുപേർ അറസ്റ്റിൽ

• പാളയം ഭാഗത്ത് ലഹരി വിൽപന നടത്തുന്നതിനിടെയാണ് പ്രതികൾ പിടിയിലായത്

കോഴിക്കോട്:മാളുകളും ടർഫുകളും കേന്ദ്രീകരിച്ച് ലഹരി വിൽപന നടത്തുന്ന രണ്ടുപേർ അറസ്റ്റിൽ . പൊക്കുന്ന് കുറ്റിയിൽതാഴം സ്വദേശി പള്ളിക്കണ്ടി ഹൗസിൽ മുഹമ്മദ് ഫാരിസ് (29), കുണ്ടുങ്ങൽ നടയിലത്ത് പറമ്പിൽ ഫാഹിസ് റഹ്മാൻ (30) എന്നിവരെയാണ് അറസ്റ്റ് ചെയ്തത്. ഇവരിൽ നിന്നും 16 ഗ്രാം എംഡിഎംഎയും പിടികൂടി. നാർക്കോട്ടിക് സെൽ അസി. കമീഷണർ കെ. എ. ബോസിന്റെ് നേതൃത്വത്തിലുള്ള ഡൻസാഫും എസ്.ഐ ജഗ് മോഹൻദത്തിന്റെ നേതൃത്വത്തിലുള്ള കസബ പൊലീസും ചേർന്നാണ് പ്രതികളെ അറസ്റ്റു ചെയ്തത്.

പാളയം ഭാഗത്ത് ലഹരി വിൽപന നടത്തുന്നതിനി ടെയാണ് പ്രതികൾ പിടിയിലായത്. മുഹമ്മദ് ഫാരിസ് 2022ൽ ലഹരിക്കേസിൽ എക്സൈസ് പിടിയിലായി ജയിൽശിക്ഷ അനുഭവിച്ചയാളാണ്.