വാണിജ്യ പാചകവാതക വില കുറച്ചു; രണ്ട് മാസത്തിനിടെ കൂട്ടിയത് 40 രൂപ

• 30.5 രൂപയാണ് കുറച്ചിട്ടുള്ളത്

വാണിജ്യാവശ്യത്തിനുള്ള 19 കിലോ പാചകവാതക സിലിണ്ടറിന്‍റെ വില 30.5 രൂപ കുറച്ചു. കഴിഞ്ഞ രണ്ട് മാസമായി രണ്ടു തവണകളായി 40 രൂപ കിട്ടിയതിനു ശേഷമാണ് ഇപ്പോൾ വിലയിൽ നേരിയ കുറവ് വന്നിട്ടുള്ളത്.

തെരഞ്ഞെടുപ്പ് ശക്തി പ്രാപിക്കുന്ന നേരത്താണ് സിലിണ്ടറിനു 30.5 രൂപ കുറച്ചിരിക്കുന്നത്. വീടുകളിൽ ഉപയോഗിക്കുന്ന 14.2 കിലോയുടെ സിലിണ്ടറിനു വില കുറച്ചിട്ടില്ല. അഞ്ച് കിലോ സിലിണ്ടറിന്‍റെ വില ഏഴ് രൂപ അമ്പത് പൈസ കുറച്ചിട്ടുണ്ട്.

ഫെബ്രുവരിയില്‍ വാണിജ്യാവശ്യത്തിനുള്ള പാചകവാതക സിലിണ്ടറിന് 15 രൂപയും മാർച്ചില്‍ 25 രൂപയും വർധിപ്പിച്ചിരുന്നു. കൊച്ചിയില്‍ 1775 രൂപയും ഡല്‍ഹിയില്‍ 1764.50 രൂപയുമാണ് 19 കിലോഗ്രാം വാണിജ്യ സിലിണ്ടറിന്‍റെ പുതുക്കിയ വില. പുതുക്കിയ വില ഇന്ന് പ്രാബല്യത്തില്‍ വന്നിട്ടുണ്ട്.