തന്ത്രിക്ക് ജാമ്യം നൽകിയതിനെതിരെ അപ്പീൽ നൽകാനുള്ള നീക്കത്തിൽ പുനരാലോചന

• തന്ത്രിയുടെ അറസ്റ്റിൽ ഗൂഢാലോചനയില്ലെന്ന് മന്ത്രി പി. രാജീവ് അറിയിച്ചു .

തിരുവനന്തപുരം : തന്ത്രിക്ക് ജാമ്യം നൽകിയതിനെതിരെ അപ്പീൽ നൽകാനുള്ള നീക്കത്തിൽ പുനരാലോചന. തൽക്കാലം അപ്പീൽ എസ്ഐടി നൽകിയേക്കില്ല. വിടാതെ പിന്തുടരുന്നെന്ന പ്രതീതി ഒഴിവാക്കാനാണ് ശ്രമം. നീക്കത്തിന് പിന്നിൽ രാഷ്ട്രീയ തീരുമാനമെന്നും സൂചനയുണ്ട്. തന്ത്രിയുടെ അറസ്റ്റിൽ ഗൂഢാലോചനയില്ലെന്ന് മന്ത്രി പി. രാജീവ് അറിയിച്ചു . മന്ത്രി രംഗത്തെത്തിയത് തന്ത്രിയുടെ വാദങ്ങൾക്കെതിരെയാണ് .

അറസ്റ്റിൽ സർക്കാർ ഗൂഢാലോചനയില്ലെന്നും സ്വർണക്കൊള്ളയിലെ അന്വേഷണം ഹൈക്കോടതി മേൽനോട്ടത്തിലാണ് നടക്കുന്നതെന്നും എസ്ഐടി അന്വേഷണത്തിൽ സർക്കാരിന് ഇടപെടാനാകില്ലെന്നും അദ്ദേഹം പറഞ്ഞു. ഒരു ഘട്ടത്തിലും സർക്കാർ ഇടപെട്ടിട്ടില്ല. ഇടപെടാനാകുമായിരുന്നെങ്കിൽ പത്മകുമാർ അറസ്റ്റിലാകുമായിരുന്നോയെന്നും മന്ത്രി ചോദിച്ചു.