കേരളത്തിലെ വിവിധ ജില്ലകളിൽ വൻതോതിൽ കവർച്ച നടത്താൻ ലക്ഷ്യമിട്ടെത്തിയ ഉത്തർപ്രദേശിൽ നിന്നുള്ള ഹൈടെക് അന്തർസംസ്ഥാന മോഷണസംഘത്തിലെ അഞ്ചുപേർ കണ്ണൂർ സിറ്റി പൊലീസ് പിടിയിൽ

• ഉത്തർപ്രദേശിലെ മീററ്റ് സ്വദേശികളായ സമീർ, മൊഹ്സിൻ, മുഹമ്മദ് സാജിദ് അൻസാരി, മുഹമ്മദ് സാഹിൽ, മോനിഷ് എന്നിവരാണ് കണ്ണൂർ സിറ്റി പൊലീസ് കമ്മീഷണർ വിജയ് ഭാരത് റെഡ്ഡിയുടെ നേതൃത്വത്തിലുള്ള പ്രത്യേക അന്വേഷണ സംഘത്തിന്റെ പിടിയിലായത്

കണ്ണൂർ: കേരളത്തിലെ വിവിധ ജില്ലകളിൽ വൻതോതിൽ കവർച്ച നടത്താൻ ലക്ഷ്യമിട്ടെത്തിയ ഉത്തർപ്രദേശിൽ നിന്നുള്ള ഹൈടെക് അന്തർസംസ്ഥാന മോഷണസംഘത്തിലെ അഞ്ചുപേരെ കണ്ണൂർ സിറ്റി പൊലീസ് പിടികൂടി. ഉത്തർപ്രദേശിലെ മീററ്റ് സ്വദേശികളായ സമീർ, മൊഹ്സിൻ, മുഹമ്മദ് സാജിദ് അൻസാരി, മുഹമ്മദ് സാഹിൽ, മോനിഷ് എന്നിവരാണ് കണ്ണൂർ സിറ്റി പൊലീസ് കമ്മീഷണർ വിജയ് ഭാരത് റെഡ്ഡിയുടെ നേതൃത്വത്തിലുള്ള പ്രത്യേക അന്വേഷണ സംഘത്തിന്റെ പിടിയിലായത്. നിരവധി മോഷണക്കേസുകളിൽ പ്രതികളായ ഇവരെ രാത്രിയോടെ കണ്ണൂരിലെ ലോഡ്ജ് വളഞ്ഞാണ് പൊലീസ് പിടികൂടിയത്.നിർമ്മാണം പുരോഗമിക്കുന്ന വലിയ വീടുകൾ, വിലപിടിപ്പുള്ള ചെമ്പ് ഘടകങ്ങൾ അടങ്ങിയ വൻകിട ജനറേറ്ററുകൾ, ടെലിഫോൺ എക്സ്ചേഞ്ച് ബൂത്തുകൾ എന്നിവയായിരുന്നു ഈ സംഘത്തിന്റെ പ്രധാന ലക്ഷ്യം. വിമാനമാർഗ്ഗം കൂട്ടത്തോടെ കേരളത്തിൽ പറന്നിറങ്ങിയ ശേഷം ഡൽഹിയിൽനിന്ന് ട്രെയിൻ മാർഗ്ഗം എത്തിക്കുന്ന ബൈക്കുകളിൽ കറങ്ങിനടന്നാണ് ഇവർ കൃത്യങ്ങൾ ആസൂത്രണം ചെയ്‌തിരുന്നത്.

ആർക്കും സംശയം തോന്നാതിരിക്കാൻ നിർമ്മാണ സ്ഥലങ്ങളിലെ ഇതരസംസ്ഥാന തൊഴിലാളികൾ ധരിക്കുന്ന തരത്തിലുള്ള പ്രത്യേക വസ്ത്രങ്ങൾ ധരിച്ചാണ് ഇവർ കവർച്ച നടത്തിയിരുന്നത്. എത്തിക്കുന്ന ബൈക്കുകളിൽ കറങ്ങിനടന്നാണ് ഇവർ കൃത്യങ്ങൾ ആസൂത്രണം ചെയ്തിരുന്നത്. ആർക്കും സംശയം തോന്നാതിരിക്കാൻ നിർമ്മാണ സ്ഥലങ്ങളിലെ ഇതരസംസ്ഥാന തൊഴിലാളികൾ ധരിക്കുന്ന തരത്തിലുള്ള പ്രത്യേക വസ്ത്രങ്ങളും ഇത്തരം വസ്ത്രങ്ങളും മോഷണത്തിന് ഉപയോഗിക്കുന്ന ആയുധങ്ങളും വാഹനങ്ങളും പൊലീസ് പിടിച്ചെടുത്തു