പിന്നിൽ നിന്ന് അമ്പെയ്യുന്ന ആളല്ല താനെന്നും, നേർക്കുനേർ നിന്ന് പ്രവർത്തിക്കാനാണ് താത്പര്യമെന്നും കെ മുരളീധരൻ

പിന്നിൽ നിന്ന് അമ്പെയ്യുന്ന ആളല്ല താനെന്നും, നേർക്കുനേർ നിന്ന് പ്രവർത്തിക്കാനാണ് താത്പര്യമെന്നും കെ മുരളീധരൻ

കേരള പബ്ലിക് സർവീസ് കമ്മീഷൻ അംഗങ്ങളുടെ നിയമനത്തിൽ വിഡി സതീശനും ചില മന്ത്രിസഭാംഗങ്ങളും തമ്മിൽ രൂക്ഷമായ വാഗ്വാദമുണ്ടായെന്നും, ഇതിന്റെ വിവരങ്ങൾ മുരളീധരൻ ചോർത്തിയെന്നുമാണ് ആരോപണങ്ങൾ ഉയർന്നിരുന്നത്.

തിരുവനന്തപുരം: സംസ്ഥാന മന്ത്രിസഭയ്ക്കുള്ളിലെ ഭിന്നതകൾ മാധ്യമങ്ങൾക്ക് ചോർത്തി നൽകിയെന്ന ആരോപണം നിഷേധിച്ച് ആരോഗ്യമന്ത്രി കെ. മുരളീധരൻ. പിന്നിൽ നിന്ന് അമ്പെയ്യുന്ന ആളല്ല താനെന്നും, നേർക്കുനേർ നിന്ന് പ്രവർത്തിക്കാനാണ് താത്പര്യമെന്നും അദ്ദേഹം വ്യക്തമാക്കി. കേരള പബ്ലിക് സർവീസ് കമ്മീഷൻ അംഗങ്ങളുടെ നിയമനത്തിൽ വിഡി സതീശനും ചില മന്ത്രിസഭാംഗങ്ങളും തമ്മിൽ രൂക്ഷമായ വാഗ്വാദമുണ്ടായെന്നും, ഇതിന്റെ വിവരങ്ങൾ മുരളീധരൻ ചോർത്തിയെന്നുമാണ് ആരോപണങ്ങൾ ഉയർന്നിരുന്നത്. ഇതിനോട് മാധ്യമപ്രവർത്തകരോട് പ്രതികരിക്കുകയായിരുന്നു അദ്ദേഹം.പിന്നിൽ നിന്ന് അമ്പെയ്യുന്ന സ്വഭാവം എനിക്കില്ല. എൻ്റെ പ്രവർത്തനരീതി നേർക്കുനേരെയാണ്, ഇത്തരം ഒളിയാക്രമണങ്ങൾക്ക് ഞാൻ നിൽക്കാറില്ല.

ഇപ്പോൾ ഇതിനെക്കുറിച്ച് ഒരു ചർച്ചയുടെയും ആവശ്യമില്ല. സർക്കാർ ചെയ്യുന്ന നിരവധി നല്ല കാര്യങ്ങൾ ഇത്തരം വിവാദങ്ങൾ കാരണം പിന്തള്ളപ്പെട്ടുപോകുകയാണ്. ഇത്തരം കാര്യങ്ങൾക്ക് നൽകുന്നതിന് പകരം സർക്കാർ പദ്ധതികളിൽ ശ്രദ്ധ കേന്ദ്രീകരിക്കുകയും സർക്കാർ ഒറ്റക്കെട്ടായി മുന്നോട്ട് പോകുന്നുവെന്ന് ഉറപ്പാക്കുകയുമാണ് വേണ്ടത്. അതാണ് ഞങ്ങൾ കൂട്ടായി എടുത്തിട്ടുള്ള തീരുമാനം,” കെ.
മുരളീധരൻ പറഞ്ഞു.

CATEGORIES
TAGS
Share This

COMMENTS

Wordpress (0)
Disqus ( )