ഷെയ്ഖ് ഹസീനയെ വിചാരണയ്ക്കായി വിട്ടുനൽക്കണം- നാഷണലിസ്റ്റ് പാർട്ടി

• സർക്കാർ വിരുദ്ധ പ്രതിഷേധം ശക്തമായതിനെ തുടർന്ന് ഈ മാസം ആദ്യമാണ് ഷെയ്ഖ് ഹസീന രാജിവച്ചശേഷം ഇന്ത്യയിലേക്ക് പലായനം ചെയ്തത്

ധാക്ക : ബംഗ്ലാദേശ് മുൻ പ്രധാനമന്ത്രി ഷെയ്ഖ് ഹസീനയെ വിട്ടുനൽകണമെന്ന് ഇന്ത്യയോട് ബംഗ്ലാദേശ് നാഷണലിസ്റ്റ് പാർട്ടി. വിചാരണയ്ക്കായി ഷെയ്ഖ് ഹസീനയെ വിട്ടുനൽകണമെന്നാണ് മുഖ്യപ്രതിപക്ഷ പാർട്ടിയായ ബിഎൻപിയുടെ ആവശ്യം. ബിഎൻപി സെക്രട്ടറി ജനറൽ മിർസ ഫക്രുൽ ഇസ്ലാം അലംഗിർ ആണ് മുൻ പ്രധാനമന്ത്രിയെ വിട്ടുനൽകണമെന്ന ആവശ്യം ഉന്നയിച്ചത്. സർക്കാർ വിരുദ്ധ പ്രതിഷേധം ശക്തമായതിനെ തുടർന്ന് ഈ മാസം ആദ്യമാണ് ഷെയ്ഖ് ഹസീന രാജിവച്ചശേഷം ഇന്ത്യയിലേക്ക് പലായനം ചെയ്തത്.

സംവരണവിരുദ്ധ പ്രക്ഷോഭത്തെ അടിച്ചമർത്തുന്നതിനിടെ ഹസീന മാനവികതയ്ക്കെതിരായ കുറ്റകൃത്യങ്ങൾ ചെയ്തെന്ന പരാതിയിൽ 3 കേസുകൾ കൂടി
ഷെയ്ഖ് ഹസീനയ്ക്കെതിരെ ചുമത്തിയിട്ടുണ്ട്.