കാപ്പാട് കടലാക്രമണം രൂക്ഷം; തീരദേശ റോഡ് കടലെടുത്തു

• രണ്ടു വർഷത്തോളമായി ഇവിടെ റോഡ് തകർന്നുകിടക്കുകയാണ്

കൊയിലാണ്ടി: കാപ്പാട് തീരദേശ മേഖലയിൽ കട ലാക്രമണം രൂക്ഷമായതോടെ കൊയിലാണ്ടി ഹാ ർബർ വഴി കാട്ടിലപീടിക വരെ എത്താനുള്ള റോഡ് പൂർണമായി തകർന്ന നിലയിൽ. കഴിഞ്ഞ കുറെ കാലമായി തകർന്നുകിടക്കുകയാ യിരുന്ന റോഡിൽ കഴിഞ്ഞ വർഷം 25 ലക്ഷ ത്തോളം രൂപ മുടക്കി അറ്റകുറ്റപ്പണികൾ നടത്തി കാറുപോലുള്ള വാഹനങ്ങൾ കടന്നുപോയിരുന്നെങ്കിലും, കഴിഞ്ഞ ദിവസം ഉച്ചയോടെ ശക്തമായ തിരമാലയിൽ റോഡ് പൂർണമായി തകരുകയായിരുന്നു. രണ്ടു വർഷത്തോളമായി ഇവിടെ റോഡ് തകർന്നുകിടക്കുകയാണ്.

പൊതുമരാമത്ത് മന്ത്രിയും എം.എൽഎയും മാസങ്ങൾക്കു മുമ്പ് സ്ഥലം സന്ദർശിച്ച് ഏറ്റവും പുതിയ വിദേശ ടെക്നോളജി ഉപയോഗപ്പെടുത്തി റോഡ് നവീകരിക്കുമെന്ന് ഉറപ്പുനൽകിയിരുന്നതായി തീരദേശവാസികൾ പറയുന്നു.