ചർച്ച പരാജയപ്പെട്ടു ; 24നും 25നും ബാങ്ക് പണിമുടക്ക്

• പൊതുമേഖലാ ബാങ്കുകളിലെ തസ്തികകൾ നികത്തുന്നത് ഉൾപ്പെടെ ആവശ്യങ്ങൾക്കായി ബാങ്ക് ജീവനക്കാരുടെ ഒമ്പത് അസോസിയേഷനുകളുടെ കൂട്ടായ്മയാണ് പണിമുടക്ക് പ്രഖ്യാപിച്ചത്

കൊൽക്കത്ത: ഐ.ബി.എ(ഇന്ത്യൻ ബാങ്ക്സ് അസോ സിയേഷൻ )യുമായി നടത്തിയ ചർച്ച പരാജയപ്പെട്ടതിനാൽ മാർച്ച് 24, 25 തീയതികളിൽ രാജ്യവ്യാപകമായി പണിമുടക്കുമെന്ന് ബാങ്ക് യൂനിയനുകളുടെ സംയുക്ത ഫോറം (യു.എഫ്.ബി.യു) അറിയിച്ചു.എല്ലാ തസ്തികകളിലും നിയമനം നടത്തണമെന്നും ആഴ്ച‌യിൽ അഞ്ചു ദിവസം പ്രവൃത്തിദിനമാക്കണമെന്നതും ഉൾപ്പെടെ ആവശ്യങ്ങൾ അംഗീകരിച്ചില്ലെന്ന് നാഷനൽ കോൺഫെഡറേഷൻ ഓഫ് ബാങ്ക് എം പ്ലോയീസ് (എൻ.സി.ബി.ഇ) ജനറൽ സെക്രട്ടറി എൽ. ചന്ദ്രശേഖർ പറഞ്ഞു.

പൊതുമേഖലാ ബാങ്കുകളിലെ തസ്തികകൾ നികത്തുന്നത് ഉൾപ്പെടെ ആവശ്യങ്ങൾക്കായി ബാങ്ക് ജീവനക്കാരുടെ ഒമ്പത് അസോസിയേഷനുകളുടെ കൂട്ടായ്മയാണ് പണിമുടക്ക് പ്രഖ്യാപിച്ചിരിയ്ക്കുന്നത്.