പ്രൊഫ.കെ.ഗോപാലകൃഷ്ണൻ സ്മാരക സംവത്സര പ്രഭാഷണം
- കോഴിക്കോട് ആർട്ട് ഗാലറി ആൻഡ് മൂസിയം സൂപ്രണ്ട് പി.എസ്. പ്രിയ രാജൻ പ്രഭാഷണം നടത്തി
കോഴിക്കോട്: കവിയും നിരൂപകനും പ്രഭാഷകനുമായിരുന്ന പ്രൊഫ.കെ.ഗോപാലകൃഷ്ണൻ്റെ സ്മരണക്കായി ചേളന്നൂർ ശ്രീ നാരായണ ഗുരു കോളജ് മലയാള വിഭാഗത്തിൻ്റെ സഹകരണത്തോടെ ഭാഷാ സമസ്വയവേദി പ്രൊഫ.കെ.ഗോപാലകൃഷ്ണൻ സ്മാരക സംവത്സര പ്രഭാഷണം സംഘടിപ്പിച്ചു.
സാംസ്കാരിക പൈതൃകം – സമൂഹവും സമീപനവും എന്ന വിഷയത്തിൽ കോഴിക്കോട് ആർട്ട് ഗാലറി ആൻഡ് മൂസിയം സൂപ്രണ്ട് പി.എസ്. പ്രിയ രാജൻ പ്രഭാഷണം നടത്തി.കോളജ് പ്രിൻസിപ്പാൾ ഡോ.എസ്.പി. കുമാർ അധ്യക്ഷനായിരുന്നു . ഡോ. ആർസു പ്രൊഫ.കെ.ഗോപാലകൃഷ്ണൻ സ്മാരക പ്രഭാഷണം നടത്തി. ഡോ. എം.കെ.ബിന്ദു, ഡോ. ആത്മജയപ്രകാശ്, ഡോ. ദീപേഷ് കരിമ്പുങ്കര, വിഷ്ണു പവിത്രൻ, ഡോ.ഒ.വാസവൻ, ജി.മുരളികൃഷ്ണൻ, ജി.ഗോപികൃഷ്ണൻ, സോ.പി. കെ. രാധാമണി എന്നിവർ പ്രസംഗിച്ചു. പരിപാടിയോടനുബന്ധിച്ച് നടന്ന കേരളം: ഭാഷ, ചരിത്രം,, സംസ്കാരം എന്ന വിഷയത്തിൽ നടത്തിയ പ്രശ്നോത്തരിയിൽ വിദ്യാർഥികളായ എം.സച്ചിൻ ലാൽ, ടി. അഞ്ജന, കെ.പി.നന്ദന എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി.ഡോ.എൻ.അനുസ്മിത, ഡോ.ആർ.എം.ഷാജു എന്നിവർ നയിച്ച പ്രശ്നോത്തരിയിലെ വിജയികൾക്ക് ക്യാഷ് പ്രൈസും സർട്ടിഫിക്കറ്റും നൽകി.
