ലൈസൻസില്ലാതെ കാറോടിച്ചു; അഞ്ചംഗ സംഘത്തിനെതിരെ കർശന നടപടി
- കൂട്ടത്തിൽ ഉള്ള 5 പേർക്കും 17 വയസ്സായിരുന്നു പ്രായം
കോഴിക്കോട്: ലൈസൻസില്ലാതെ കാറോടിച്ച മുക്കം സ്വദേശികളായ അഞ്ചംഗ സംഘത്തിനെതിരെ കർശന നടപടി എടുത്തു .കഴിഞ്ഞ ദിവസം ലൈസൻസ് ഇല്ലാതെ വാടകയ്ക്ക് എടുത്ത കാറുമായി വിനോദയാത്രയ്ക്ക് വയനാട്ടിലേക്ക് പോവുകയായിരുന്നു . കൂട്ടത്തിൽ ഉള്ള 5 പേർക്കും 17 വയസ്സായിരുന്നു പ്രായം. ഇവർക്ക് വാഹനം ഓടിക്കുന്നതിനുള്ള ലൈസൻസ് ഇല്ലായിരുന്നു.
പുൽപള്ളിയിലേക്കുള്ള യാത്രയ്ക്കിടെ മണൽവയൽ വച്ച് കേണിച്ചിറ പൊലീസ് സ്റ്റേഷൻ ഇൻസ്പെക്ടർ ടി.ജി. ദിലീപിൻ്റെ നേതൃത്വത്തിലുള്ള സംഘം നടത്തിയ വാഹനപരിശോധനയിലാണ് ഇവരെ പിടിച്ചത്. കാറോടിച്ച യുവാവിൻ്റെ സുഹൃത്ത് വഴി തരപ്പെടുത്തിയ കോട്ടയം പാലാ സ്വദേശിയുടെ ഉടമസ്‌ഥതയിലുള്ള കാറിലാണ് ഇവർ ജില്ലയിലെത്തിയത്.യാത്ര യുവാവിന്റെ മാതാപിതാക്കൾ അറിഞ്ഞാണ് എന്ന് ബോധ്യപ്പെട്ടതിനെത്തുടർന്ന് രക്ഷിതാവിനെതിരായും കാർ ഏർപ്പാടാക്കിയ ആൾക്കെതിരായും വാഹനത്തിന്റെ രജിസ്ട്രേഡ് ഉടമയ്ക്കെതിരായും പൊലീസ് കേസെടുത്തിട്ടുണ്ട്.
