ആരോഗ്യമന്ത്രികെ മുരളീധരനെ വിമർശിച്ച് എൽഡിഎഫ് സർക്കാരിൽ വകുപ്പ് കൈകാര്യം ചെയ്‌തിരുന്ന മന്ത്രിമാരായ പി കെ ശ്രീമതി, കെ കെ ശൈലജ, വീണാ ജോർജ്
- എല്ലാം നിസാരമായി കാണുന്ന ആരോഗ്യമന്ത്രിയാണ് കെ മുരളീധരൻ എന്നും ചുമതലയേറ്റെടുത്തത് മുതൽ പ്രശ്നങ്ങൾ തുടങ്ങിയെന്നും പി കെ ശ്രീമതി വിമർശിച്ചു
തിരുവനന്തപുരം : ആരോഗ്യമന്ത്രി കെ മുരളീധരനെ വിമർശിച്ച് എൽഡിഎഫ് സർക്കാരിൽ വകുപ്പ് കൈകാര്യം ചെയ്‌തിരുന്ന മന്ത്രിമാരായ പി കെ ശ്രീമതി, കെ കെ ശൈലജ, വീണാ ജോർജ് എന്നിവർ. എല്ലാം നിസാരമായി കാണുന്ന ആരോഗ്യമന്ത്രിയാണ് കെ മുരളീധരൻ എന്നും ചുമതലയേറ്റെടുത്തത് മുതൽ പ്രശ്നങ്ങൾ തുടങ്ങിയെന്നും പി കെ ശ്രീമതി വിമർശിച്ചു. കഴിഞ്ഞ പത്ത് വർഷക്കാലം ആരോഗ്യമേഖല അഭിമാനകരമായ നേട്ടമുണ്ടാക്കി. ഏവർക്കും അഭിമാനിക്കാൻ കഴിയുന്ന തക്ക നേട്ടം കൈവരിക്കാൻ കഴിഞ്ഞ കാലഘട്ടമായിരുന്നു അത്.വിമർശനത്തെ വിദ്വേഷത്തോടു കൂടി നോക്കി കണ്ടിട്ടില്ല. ജനങ്ങളോടുള്ള പ്രതിബദ്ധതയാണ് നിർവഹിച്ചത്.
ആശുപത്രിയുടെ സാഹചര്യങ്ങൾ കഴിഞ്ഞ വർഷങ്ങളിൽ മാറി. അങ്ങനെയായിരുന്നു പ്രവർത്തനമെന്നും പി കെ ശ്രീമതി പറഞ്ഞു.പുതിയ ആരോഗ്യമന്ത്രി എല്ലാത്തിനെയും നിസ്സാരമായി കണ്ടു എന്നും യുഡിഎഫിനെ പ്രശംസിച്ച മാധ്യമങ്ങൾ നിശിതമായി ആരോഗ്യവകുപ്പിനെ വിമർശിക്കുകയാണ്. വസ്‌തുതകളുടെ അടിസ്ഥാനത്തിലാണ് വിമർശനം. കാതലായ വിമർശനമാണ് ഉയരുന്നതെന്നും പി കെ ശ്രീമതി പറഞ്ഞു. പല സ്ഥലങ്ങളിലും ഡോക്ടർമാരില്ല, മരുന്നില്ല. നീതി ബോധത്തോടെ വേണം കാര്യങ്ങൾ ചെയ്യേണ്ടത്. പല നടപടിയും തിരുത്തേണ്ടി വരികയാണെന്നും അവർ പറഞ്ഞു.
