സിവിൽ പൊലീസ് ഓഫീസർ നിയമന നടപടികളിൽ മാറ്റത്തിനൊരുങ്ങി സർക്കാർ:നിയമിക്കപ്പെടുന്ന 10 സിപിഒമാരിൽ മൂന്നുപേർ സ്ത്രീകളായിരിക്കും
- നിലവിലുള്ള 9:1 എന്ന പുരുഷ-സ്ത്രീ നിയമന അനുപാതം 7:3 എന്നാക്കി മാറ്റാൻ സംസ്ഥാന പൊലീസ് മേധാവി റവാഡ എ ചന്ദ്രശേഖർ ആഭ്യന്തര വകുപ്പ് അഡീഷണൽ ചീഫ് സെക്രട്ടറിക്ക് കത്ത് നൽകി
തിരുവനന്തപുരം: സിവിൽ പൊലീസ് ഓഫീസർ നിയമന നടപടികളിൽ മാറ്റത്തിനൊരുങ്ങി സർക്കാർ. സംസ്ഥാനത്ത് നിയമിക്കപ്പെടുന്ന 10 സിപിഒമാരിൽ മൂന്നുപേർ സ്ത്രീകളായിരിക്കും. നിലവിലുള്ള 9:1 എന്ന പുരുഷ-സ്ത്രീ നിയമന അനുപാതം 7:3 എന്നാക്കി മാറ്റാൻ സംസ്ഥാന പൊലീസ് മേധാവി റവാഡ എ ചന്ദ്രശേഖർ ആഭ്യന്തര വകുപ്പ് അഡീഷണൽ ചീഫ് സെക്രട്ടറിക്ക് കത്ത് നൽകി. ഈ മാറ്റം നടപ്പിലാകുന്നതോടെ സംസ്ഥാനത്തെ പൊലീസ് സേനയിൽ മൂന്നിലൊന്ന് വനിതാ ഉദ്യോഗസ്ഥരാകും.ഡിജിപിയുടെ ശുപാർശകൾ ആഭ്യന്തര വകുപ്പ് പരിശോധിച്ചതായും നിലവിൽ അവ മുഖ്യമന്ത്രിയുടെ ഓഫീസിന്റെ പരിഗണനയിലാണെന്നും പൊലീസ് വൃത്തങ്ങൾ സൂചിപ്പിച്ചു. യുഡിഎഫ് സർക്കാരിന്റെ നൂറുദിന കർമ്മപദ്ധതിയുടെ ഭാഗമായതിനാൽ, മന്ത്രിസഭ ഉടൻ തന്നെ ഈ നിർദ്ദേശം പരിഗണിച്ചേക്കുമെന്നാണ് സൂചന.
നിലവിൽ, പബ്ലിക് സർവീസ് കമ്മീഷൻ (പിഎസി) പുരുഷ-വനിതാ പൊലീസ് ഉദ്യോഗസ്ഥരെ പ്രത്യേകം മാർക്ക് ലിസ്റ്റുകൾ വഴിയാണ് നിയമിക്കുന്നത്. ഓരോ പത്താമത്തെ സിപിഒ ഒഴിവ് സ്ത്രീകൾക്കായി സംവരണം ചെയ്യണമെന്നാണ് നിർദ്ദേശം. എന്നാൽ പുതിയ ശുപാർശ അംഗീകരിക്കപ്പെട്ടാൽ, ആദ്യത്തെ ഏഴ് ഒഴിവുകൾ പുരുഷന്മാർക്കും തുടർന്നുള്ള മൂന്ന് ഒഴിവുകൾ വനിതാ കോൺസ്റ്റബിൾമാർക്കുമായി സംവരണം ചെയ്യപ്പെടും.സംസ്ഥാന ചരിത്രത്തിലെ വിപ്ലവകരമായ ചുവടുവെപ്പാണിതെന്ന് ആഭ്യന്തര മന്ത്രി രമേശ് ചെന്നിത്തല പറഞ്ഞു. പൊലീസ് സേനയുൾപ്പെടെയുള്ള എല്ലാ മേഖലകളിലും സ്ത്രീകളുടെ പ്രാതിനിധ്യം വർദ്ധിപ്പിക്കേണ്ട സമയം അതിക്രമിച്ചിരിക്കുകയാണെന്നും ചെന്നിത്തല കൂട്ടിച്ചേർത്തു.
പുതിയ നിർദേശം പൊലീസിനോടുള്ള പൊതുജനങ്ങളുടെ കാഴ്ചപ്പാടിൽ മാറ്റം വരുത്തുമെന്നും ആഭ്യന്തരമന്ത്രി പറഞ്ഞു. ‘ജനസംഖ്യയുടെ കുറഞ്ഞത് 50 ശതമാനവും സ്ത്രീകളാണ്. സംസ്ഥാനത്ത് 63 സ്ത്രീകളെ എസ്എച്ച്ഒമാരായി (SHO) നിയമിക്കാനുള്ള സർക്കാരിന്റെ പ്രാതിനിധ്യം വർദ്ധിപ്പിക്കേണ്ട സമയം അതിക്രമിച്ചിരിക്കുകയാണെന്നും ചെന്നിത്തല കൂട്ടിച്ചേർത്തു.പുതിയ നിർദേശം പൊലീസിനോടുള്ള പൊതുജനങ്ങളുടെ കാഴ്ചപ്പാടിൽ മാറ്റം വരുത്തുമെന്നും ആഭ്യന്തരമന്ത്രി പറഞ്ഞു. ‘ജനസംഖ്യയുടെ കുറഞ്ഞത് 50 ശതമാനവും സ്ത്രീകളാണ്. സംസ്ഥാനത്ത് 63 സ്ത്രീകളെ എസ്എച്ച്ഒമാരായി (SHO) നിയമിക്കാനുള്ള സർക്കാരിന്റെ തീരുമാനത്തിൻറെ തുടർച്ചയായാണ് ഈ നീക്കത്തെ കാണേണ്ടത്.’ ചെന്നിത്തല പറഞ്ഞു.
