എഐവൈഎഫ് മാർച്ചിന് നേരെ പോലീസ് ജലപീരങ്കിയിൽ പ്രയോഗിച്ചത് മലിനജലമെന്ന ആരോപണവുമായി പ്രതിപക്ഷം
- ചെളിവെള്ള കുപ്പിയുമായി സഭയിലെത്തിയ പ്രതിപക്ഷ നേതാവ് പിണറായി വിജയൻ പോലീസ് ഉപയോഗിച്ചത് ഗുരുതര രോഗങ്ങൾ ഉണ്ടാക്കുന്ന വെള്ളമാണെന്ന് ആരോപിച്ചു.
തിരുവനന്തപുരം:എഐവൈഎഫ് മാർച്ചിന് നേരെ പോലീസ് ജലപീരങ്കിയിൽ പ്രയോഗിച്ചത് മലിനജലമെന്ന ആരോപണവുമായി പ്രതിപക്ഷം. ചെളിവെള്ള കുപ്പിയുമായി സഭയിലെത്തിയ പ്രതിപക്ഷ നേതാവ് പിണറായി വിജയൻ പോലീസ് ഉപയോഗിച്ചത് ഗുരുതര രോഗങ്ങൾ ഉണ്ടാക്കുന്ന വെള്ളമാണെന്ന് ആരോപിച്ചു. വിഷയത്തിൽ ആഭ്യന്തര മന്ത്രി രമേശ് ചെന്നിത്തല മറുപടി പറയണമെന്നും പിണറായി വിജയൻ ആവശ്യപ്പെട്ടു. കാര്യം പറയുമ്പോൾ ആരും വേവലാതിപ്പെടേണ്ടതില്ല. ഏതോ തോട്ടിൽ നിന്നെടുത്ത വെള്ളമാണ് വിദ്യാർത്ഥികൾക്ക് നേരെ പോലീസ് പ്രയോഗിച്ചിരിക്കുന്നതെന്നും പ്രതിപക്ഷ നേതാവ് പറഞ്ഞു.
പോലീസിന്റെ ജലപീരങ്കി പ്രയോഗത്തിൽ നനഞ്ഞ ഡ്രസ്സുമായാണ് കെ.രാജൻ എംഎൽഎ സഭയിൽ എത്തിയത്. ചൊറിച്ചിലുണ്ടാക്കുന്ന ചെളിവെള്ളം നിറച്ച വെള്ളമാണ് ജലപീരങ്കിയിൽ പ്രയോഗിച്ചതെന്ന് എംഎൽഎ മാധ്യമങ്ങളോട് പ്രതികരിച്ചു.വർഗീയവാദികളോടും ക്രിമിനലുകളോടും പോലും ചെയ്യാത്ത ആക്രമണമാണ് സർക്കാർ ഇപ്പോൾ നടത്തിയിരിക്കുന്നതെന്നും അദ്ദേഹം വിമർശിച്ചു .’രണ്ട് തവണയാണ് പോലീസ് ജലപീരങ്കി പ്രയോഗിച്ചത്. എന്നാൽ പ്രവർത്തകരെ വീണ്ടും നിലത്തിരുത്തി എഐവൈഎഫ്, എഐഎസ്എഫ് നേതാക്കൾ പിഎം ശ്രീ പദ്ധതിക്കെതിരെ സംസാരിച്ചു. ഈ സമയം അവിടെയെത്തിയ ഞാൻ, അവരോട് പിരിഞ്ഞുപോകാൻ ആവശ്യപ്പെടുകയുണ്ടായി.തുടർന്ന് സമരം അവസാനിപ്പിക്കാൻ തുടങ്ങിയ പ്രവർത്തകർക്ക് നേരെയാണ് ജലപീരങ്കി ഉപയോഗിച്ചത്.
