കണ്ടിവാതുക്കലിൽ സ്കൂട്ടർ താഴ്ചയിലേക്ക് മറിഞ്ഞ് രണ്ടുയുവാക്കൾക്ക് പരിക്ക്

• നിയന്ത്രണം നഷ്ടപ്പെട്ടതിനെത്തുടർന്ന് അൻപതടി താഴ്ചയിലേക്ക് മറിയുകയായിരുന്നു

വളയം :കണ്ടിവാതുക്കലിൽ സ്‌കൂട്ടർ താഴ്‌ചയിലേക്ക് മറിഞ്ഞ് രണ്ടുയുവാക്കൾക്ക് പരിക്ക്. പേരാമ്പ്ര അരിക്കുളം സ്വദേശികളായ നെടിയ പറമ്പത്ത് -റാഫി (28), വരിക്കപ്പുറത്ത് കണ്ടി വൈശാഖ് (28) എന്നിവർക്കാണ് പരിക്കേറ്റത്.

കുത്തനെയുള്ള കയറ്റത്തിൽവെച്ച് നിയന്ത്രണം നഷ്ടപ്പെട്ടതിനെത്തുടർന്ന് അൻപതടി താഴ്ചയിലേക്ക് മറിയുകയായിരുന്നു. സ്കൂട്ടർ കിടന്നിടത്തുനിന്ന് പത്തുമീറ്റർ താഴെയാണ് യുവാക്കളെ കണ്ടെത്തിയത്. ഇന്നലെ വൈകീട്ട് ഏകദേശം അഞ്ചരയോടെ ഇതുവഴി സഞ്ചരിക്കുകയായിരുന്ന നാട്ടുകാർ കരച്ചിൽകേട്ടാണ് ഇവരെ കണ്ടത്. നാട്ടുകാർ പരിക്കേറ്റവരെ നാദാപുരം ഗവ.താലൂക്കാശുപത്രിയിൽ എത്തിച്ച് പ്രാഥമിക ചികിത്സ നൽകിയശേഷം കോഴിക്കോട് മെഡിക്കൽ കോളേജിലേക്ക് കൊണ്ടുപോയി.