കരാർ കമ്പനിയുടെ ഓഫീസിലേക്ക് സമരസമിതി മാർച്ച് നടത്തി

കൊയിലാണ്ടി :നന്തി – ചെങ്ങോട്ട്കാവ് ബൈപാസിൽ മരളൂർ മുതൽ ഗോപാലപുരം വരെ സർവ്വീസ് റോഡ് നിർമ്മിക്കണമെന്ന് ആവശ്യപ്പെട്ട് സമരസമിതിയുടെ നേതൃത്വത്തിൽ നന്തിയിലെ കരാർ കമ്പനിയുടെ ക്യാമ്പ് ഓഫിസിലേക്ക് മാർച്ച് നടത്തി. മാർച്ച് കൊയിലാണ്ടി നഗരസഭ വൈസ് ചെയർപെഴ്സൺ സി.ടി .ബിന്ദു ഉദ്ഘാടനം ചെയ്തു. സമരസമിതി ചെയർമാൻ ഉണ്ണികൃഷ്ണൻ മരളൂർ അദ്ധ്യക്ഷം വഹിച്ചു.

മൂടാടി പഞ്ചായത്ത് മെംബർ മജ്ജുള നാരായണൻ, മുൻ നഗരസഭ കൗൺസിലർ കലേക്കാട്ട് ബാബുരാജ്, തങ്കമണി ചൈത്രം, വേണു പുതുക്കുടി, മുഹമ്മദലി മൂടാടി, അശോക് കുമാർ കുന്നോത്ത്, പി.ടി ഷിജു പ്രസംഗിച്ചു.പീതാബരൻകുന്നോത്ത്, ഗിരി പുതുക്കുടി, പി.കെ.ഭാരതി, സജീഷ് മൂലത്ത് നേതൃത്വം നൽകി പോലീസ് വടം കെട്ടി മാർച്ച് തടഞ്ഞു സമരസമിതി ഭാരവാഹികൾ കമ്പനി അധികൃതർക്ക് നിവേദനം നൽകി.