കൊയിലാണ്ടി നഗരസഭ കുടുംബശ്രീ സി.ഡി.എസ് ന്റെ നേതൃത്വത്തിൽ മുല്ലപ്പൂ കൃഷി സംരംഭത്തിന് തുടക്കമിട്ടു

• തദ്ദേശ സ്വയം ഭരണ വകുപ്പ് മന്ത്രി എം.ബി രാജേഷ് മുല്ലപ്പൂതൈ നൽകി ഉദ്ഘാടനം നിർവഹിച്ചു.

കൊയിലാണ്ടി:കൊയിലാണ്ടി നഗരസഭ കുടുംബശ്രീ സി ഡി എസ് ന്റെ നേതൃത്വത്തിൽ മുല്ലപ്പു കൃഷി സംരംഭ ത്തിന് തുടക്കമിട്ടു കുടുംബശ്രീ അംഗങ്ങൾക്ക് മുതൽ മുടക്കില്ലാതെ സാമ്പത്തിക സുരക്ഷ ഉറപ്പാക്കുക എന്നതാണ് ലക്ഷ്യം.ബഹുമാനപെട്ട എം.എൽ.എ കാനത്തിൽ ജമീല അധ്യക്ഷയായ ചടങ്ങിൽ തദ്ദേശ സ്വയം ഭരണ വകുപ്പ് മന്ത്രി എം.ബി രാജേഷ് മുല്ലപ്പൂതൈ നൽകി ഉദ്ഘാടനം നിർവഹിച്ചു.

നഗരസഭ ചെയർപേഴ്സൺ ശ്രീമതി സുധ കിഴക്കേപ്പാട്ട് സ്വാഗതം പറഞ്ഞ ചടങ്ങിൽ വൈസ് ചെയർമാൻ കെ. സത്യൻ, സ്റ്റാൻഡിങ് കമ്മിറ്റി ചെയർപേഴ്സൺ മാരായ കെ.എ ഇന്ദിര , കെ. ഷിജു, ഇ.കെ. അജിത്, പ്രജില സി, നിജില പറവകൊടി , മെമ്പർ സെക്രട്ടറി രമിത വി, ചലനം മെൻ്റർ ഷീല വേണുഗോപാൽ എന്നിവർ ആശംസകൾ അർപ്പിച്ചു സംസാരിച്ചു.സൗത്ത് സി.ഡി.എസ് ചെയർപേഴ്സൺ വിബിന കെ.കെ പദ്ധതി വിശദികരിച്ചു. നോർത്ത് സി.ഡി.എസ് ചെയർപേഴ്സൺ ഇന്ദുലേഖ എം.പി നന്ദിയും പറഞ്ഞു.