പ്രബന്ധ മത്സരം സംഘടിപ്പിച്ചു

• 40 കുട്ടികൾ പങ്കെടുത്ത പരിപാടിയിൽ വിജയികളായ 10 കുട്ടികൾക്ക് സംസ്ഥാനതല മത്സരത്തിൽ പങ്കെടുക്കാൻ അവസരം ലഭിക്കും

കൊയിലാണ്ടി : കുടുംബശ്രീ ജില്ലാമിഷനും ശുചിത്വമിഷനും ചേർന്ന് ബാലസഭ, സ്കൂൾ വിദ്യാർത്ഥികൾക്കായി പ്രബന്ധ മത്സരം നടത്തി. 40 കുട്ടികൾ പങ്കെടുത്ത പരിപാടിയിൽ വിജയികളായ 10 കുട്ടികൾക്ക് സംസ്ഥാനതല മത്സരത്തിൽ പങ്കെടുക്കാൻ അവസരം ലഭിക്കും.

കൊയിലാണ്ടി ഗവണ്മെന്റ് വൊക്കേഷണൽ ഹയർ സെക്കന്ററി സ്കൂളിൽ വെച്ച് നടത്തിയ പരിപാടിയുടെ സമാപന സമ്മേളനത്തിന്റെ ഉദ്ഘാടനവും സമ്മാന വിതരണവും കൊയിലാണ്ടി നഗരസഭ ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ കെ. ഷിജു നിർവഹിച്ചു. സിഡിഎസ് ചെയർപേഴ്സൺ കെ.കെ. വിപിന അധ്യക്ഷയായ പരിപാടിയിൽ കുടുംബശ്രീ ജില്ലാ പ്രോഗ്രാം മാനേജർ അനഘ ആർ സ്വാഗതം പറഞ്ഞു. ജില്ലാ പ്രോഗ്രാം മാനേജർ ശ്രീഷ്മ ശ്രീധർ(ബാലസഭ സ്റ്റേറ്റ് ആർ പി ഷിംജിത്ത് പി. കെ എന്നിവർ ആശംസ അറിയിച്ചു. ബ്ലോക്ക്‌ കോർഡിനേറ്റർ രശ്മിശ്രീ നന്ദി അറിയിച്ചു