മധ്യവയസ്ക്കൻ വിറകുപുരയിൽ തൂങ്ങിമരിച്ച നിലയിൽ

• ഇയാളെ മേയ് 8 മുതൽ കാണാതായിരുന്നു.

പേരാമ്പ്ര: കഴിഞ്ഞ ദിവസം മുതൽ കാണാതായ മധ്യവയസ്കനെ വീടിനോട് ചേർന്ന വിറകുപുരയിൽ തൂങ്ങിമരിച്ച നിലയിൽ കണ്ടെത്തി. മുളിയങ്ങൽ നൊചാട് പഞ്ചായത്ത് ഓഫിസിനു സമീപം കൂടത്തിങ്കൽ മീത്തൽ രാജീവനെയാണ് (53) മരിച്ച നിലയിൽ കണ്ടെത്തിയത്. ഇയാളെ മേയ് 8 മുതൽ കാണാതായിരുന്നു. തുടർന്ന് ബന്ധുക്കൾ പേരാമ്പ്ര പൊലീസിൽ പരാതി നൽകി. പൊലീസ് നൽകിയ ടവർ ലൊക്കേഷൻ്റെ അടിസ്‌ഥാനത്തിൽ ഞായറാഴ്ച്‌ച രാവിലെ വീടിനു സമീപം നാട്ടുകാർ തിരച്ചിൽ നടത്തുന്നതിനിടെ വിറകുപുരയിൽ നിന്ന് ദുർഗന്ധം വമിക്കുന്നതായി കണ്ടെത്തി. അവിടെ നോക്കിയപ്പോഴാണ് തൂങ്ങിമരിച്ച നിലയിൽ കണ്ടെത്തിയത്.