മരം വീണ് ഗതാഗതം തടസ്സപ്പെട്ടു

• അഗ്നിരക്ഷാസേന എത്തി മരം മുറിച്ചുമാറ്റി ഗതാഗതം പുനഃസ്ഥാപിച്ചു

പൊയിൽക്കാവ്: പൊയിൽക്കാവ് – കാഞ്ഞിലശ്ശേരി റോഡിൽ കൻമനത്താഴെ പടുമരം ഇലക്ട്രിക്കൽ ലൈനിന് മുകളിലൂടെ വീണ് ഗതാഗതം തടസ്സപ്പെട്ടു. തുടർന്ന് കൊയിലാണ്ടി അഗ്നിരക്ഷാസേന എത്തുകയും ചെയിൻസോ ഉപയോഗിച്ച് മരം മുറിച്ചുമാറ്റി ഗതാഗതം പുനഃസ്ഥാപിക്കുകയും ചെയ്തു.

ഇലക്ട്രിസിറ്റി ജീവനക്കാർ സംഭവസ്ഥലത്ത് ഉണ്ടായിരുന്നു. എഎസ്‌ടിഒ ജോയ് എബ്രഹാമിന്റെ നേതൃത്വത്തിൽ ഗ്രേഡ് എഎസ്‌ടിഒ മജീദ്.എം,ഫയർ ആൻഡ് റെസ്ക്യൂ ഓഫീസർമാരായ ഹേമന്ത്.ബി,നിധി പ്രസാദ്. ഇ.എം,അനൂപ് എന്‍.പി,ഷാജു.കെ, ഹോം ഗാർഡ് മാരായ രാജേഷ്.കെ. പി,രാജീവ്.വി.ടി എന്നിവർ രക്ഷാപ്രവർത്തനത്തിൽ ഏർപ്പെട്ടു.