മികച്ച ഭക്തിഗാനങ്ങൾ ആത്മപ്രകാശനങ്ങൾ – വി.ടി.മുരളി

• ‘ശരണാഗതം” ഭക്തിഗാനാൽബം പ്രകാശനം ചെയ്തു

കൊയിലാണ്ടി: എല്ലാ മതങ്ങളുടെയും ഭക്തിഗാനങ്ങൾ മനസ്സിനെ പ്രകാശിപ്പിക്കുന്നതോടൊപ്പം, ആത്മീയ ചിന്ത പ്രകടിപ്പിക്കുന്നുവെന്ന് പ്രശസ്ത ഗായകൻ വി.ടി.മുരളി പറഞ്ഞു. കെ.പി.പുരുഷോത്തമൻ നമ്പൂതിരി രചിച്ച്, സംഗീതജ്ഞൻ കാവുംവട്ടം വാസുദേവൻ ഈണമിട്ട് കെ.കെ.നിഷാദ് പാടിയ ‘ശരണാഗതം’ ഭക്തിഗാനാൽബം പ്രകാശനം ചെയ്ത് സംസാരിക്കുകയായിരുന്നു അദ്ദേഹം.

കവിയും ചിത്രകാരനുമായ സോമൻ കടലൂർ ആൽബം ഏറ്റുവാങ്ങി. ഭക്തിഗാനങ്ങൾ ആന്തരിക പ്രകാശനം കൂടിയാണ്.മികച്ച ഭക്തിഗാനങ്ങൾ ഭക്തരേയും വിഭക്തരേയും സന്ദേഹികളെയും ഒരേപോലെ ആനന്ദിപ്പിക്കുന്നതായിരുന്നു. മനുഷ്യാവസ്ഥകളുടെ പ്രതിഫലനങ്ങളായിരുന്നു അവ – സോമൻ കടലൂർ പറഞ്ഞു.
കൊയിലാണ്ടി നഗരസഭ വൈസ് ചെയർമാൻ അഡ്വ.കെ.സത്യൻ ചടങ്ങിൽ അധ്യക്ഷനായി.ഇ.കെ.അജിത് (സ്റ്റാൻ്റിംഗ് കമ്മറ്റി ചെയർമാൻ, കൊയിലാണ്ടി നഗരസഭ)
നിധീഷ് നടേരി (ഗാനരചയിതാവ്)വി.പി.ഭാസ്ക്കരൻ (മാനേജർ, പിഷാരികാവ് ദേവസ്വം)
അഡ്വ.വി.സത്യൻ (സിനിമാ നിർമ്മാതാവ്) എന്നിവർ ആശംസകളർപ്പിച്ച് സംസാരിച്ചു.
കെ.പി. ജയദേവ് സ്വാഗതവും കെ.പി .സുഭദ്ര നന്ദിയും പറഞ്ഞു. ദൃശ്യവൽക്കരണം എൻ.ഇ.ഹരികുമാർ. നിർമ്മാണം – കെ.പി .ജയദേവ്, ക്യാമറ – അനിൽ മണമൽ/ രഞ്ജിത് ഭാസ്കരൻ,എഡിറ്റിംഗ് – വൈശാഖ് .ടി .കെ. പ്രോഗ്രാമിംഗ്/മിക്സിംഗ്- പ്രദീപ് കുമാർ മുക്കം
കീസ് – ബിജു തോമസ്.