വായന പക്ഷാചരണ സമാപനവും അമ്മ വായന ക്യാംപയിനും നടന്നു
- ചടങ്ങ് പ്രശസ്ത കവിയത്രി രമ ചെപ്പ് ഉദ്ഘാടനം ചെയ്തു
കൊയിലാണ്ടി :വിയ്യൂർ വായനശാലയുടെ നേതൃത്വത്തിൽ വായന പക്ഷാചരണത്തിൻ്റെ ഭാഗമായി നടത്തിവന്ന വിവിധ പരിപാടികൾ സമാപിച്ചു. ചടങ്ങ് പ്രശസ്ത കവിയത്രി രമ ചെപ്പ് ഉദ്ഘാടനം ചെയ്തു. വായനശാല വനിത വേദി ചെയർപേഴ്‌സൺ പ്രസന്ന. ടി സ്വാഗതം പറഞ്ഞ ചടങ്ങിൽ കൊയിലാണ്ടി നഗരസഭ കൗൺസിലർ ലിൻസി മരക്കാട്ട് പുറത്ത് അധ്യക്ഷത വഹിച്ചു.
പുളിയഞ്ചേരി യു.പി. സ്കൂളിൽ വെച്ച് നടന്ന അമ്മ വായന ക്യാംപയ്നിൽ വായനയിലൂടെ മനസ്സിൻ്റെ സൗന്ദര്യം വർദ്ധിക്കുകയാണെന്ന തിരിച്ചറിവിലേക്ക് അമ്മമാർ എത്തണമെന്നും കുടുംബ വായനക്ക് നേതൃത്വം കൊടുക്കാൻ അമ്മമാർക്ക് കഴിയണമെന്നും ഉദ്ഘാടന പ്രസംഗത്തിൽ പറഞ്ഞു.
വായനശാല പ്രസിഡണ്ട് മോഹനൻ നടുവത്തൂർ, പുളിയഞ്ചേരി യു.പി. സ്കൂൾ എംപിടിഎ പ്രസിഡണ്ട് ജയജ ബൈജു എന്നിവർ ആശംസകളർപ്പിച്ച് സംസാരിച്ചു. വായനശാല സെക്രട്ടറി പി.കെ.ഷൈജു, രാധാകൃഷ്ണൻ.പി.പി. , ലൈബ്രേറിയൻ പ്രജിത. കെ. എന്നിവരാണ് പരിപാടിക്ക് നേതൃത്വം നല്കിയത്. കൺവീനർ ഷൈമ മണക്കണ്ടത്തിൽ നന്ദി രേഖപ്പെടുത്തി.
