നാടൻ പാട്ട് ശിൽപശാല നടത്തി
- കൊയിലാണ്ടി മുൻസിപാലിറ്റി ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ ഷിജു. കെ ഉദ്ഘാടനം നിർവഹിച്ചു
കൊയിലാണ്ടി: സമഗ്രശിക്ഷ കേരള ബിആർസി പന്തലായനിയുടെ തനത് പരിപാടിയായ സർഗ്ഗജാലകത്തിന്റെ ഭാഗമായുള്ള നാടൻ പാട്ട് ശിൽപശാല കൊയിലാണ്ടി ഓട്ടിസം സെന്ററിൽ വച്ച് നടന്നു. കൊയിലാണ്ടി മുൻസിപാലിറ്റി ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ ഷിജു കെ ഉദ്ഘാടനം നിർവഹിച്ചു. ഭിന്നശേഷിയുള്ള കുട്ടികളിലെ സർഗ വാസനയുണർത്തുന്നതിനും
അക്കാദമിക പിന്തുണ നൽകുന്നതിനുമായി ശനിയാഴ്ചകളിൽ വിവിധ മേഖലളിൽ വൈദഗ്ധ്യമുള്ളവരുടെ നേതൃത്വത്തിൽ കുട്ടികൾക്ക് പ്രത്യേക പരിശീലനം നൽകുന്നതിനായി പന്തലായനി ബിആർസി തയ്യാറാക്കിയ തനത് പദ്ധതിയാണ് സർഗ്ഗജാലകം.
സ്പെഷ്യൽ എഡ്യുക്കേറ്റർ പ്രശോഭ് എം.കെ. അധ്യക്ഷത വഹിച്ച ചടങ്ങിന് സിന്ധു കെ. സ്വാഗതം പറഞ്ഞു. സിൽജ ബി പദ്ധതി വിശദീകരണം നടത്തി.നാടൻ പാട്ടു കലാകാരൻ ബിജു അരിക്കുളം മുഖ്യഭാഷണം നടത്തി.സ്പെഷ്യൽ എഡ്യുക്കേറ്റർമാരായ സന്ധ്യ, രസിത എന്നിവർ ആശംസകൾ അർപ്പിച്ചു സംസാരിച്ചു. സ്പെഷ്യൽ എഡ്യുക്കേറ്റർ അനിൽ എ. കെ.നന്ദി പറഞ്ഞു.
