പൊതുജന അവബോധം വർധിപ്പിക്കൽ; വാട്‌സ്ആപ് ചാനൽ തുടങ്ങി ആർബിഐ

• വാട്‌സ്ആപ് വഴി ബാങ്കിംഗ് വിവരങ്ങളും തീരുമാനങ്ങളും നേരിട്ട് ജനങ്ങളിലേക്ക് എത്തിക്കുകയാണ് ലക്ഷ്യം

മുംബൈ :റിസർവ് ബാങ്ക് ഓഫ് ഇന്ത്യ (ആർ ബി ഐ) പൊതുജന അവബോധം വർധിപ്പിക്കാൻ ഔദ്യോഗിക വാട്‌സ്ആപ് ചാനലിന് തുടക്കമിട്ടു.ജനപ്രിയ സന്ദേശവിനിമയ പ്ലാറ്റ്ഫോമായ വാട്‌സ്ആപ് വഴി ബാങ്കിംഗ് വിവരങ്ങളും തീരുമാനങ്ങളും നേരിട്ട് ജനങ്ങളിലേക്ക് എത്തിക്കുകയാണ് ലക്ഷ്യം.

ലക്ഷ്യങ്ങൾ:

ബാങ്കിംഗ് സുരക്ഷയും സാമ്പത്തിക വിദ്യാഭ്യാസവും പൊതുജനങ്ങളിലേക്ക് എത്തിക്കൽ.

തട്ടിപ്പുകൾക്കും വ്യാജ സന്ദേശങ്ങൾക്കും എതിരെ ജാഗ്രത വളർത്തൽ.

ആർ ബി ഐയുടെ ഔദ്യോഗിക വിവരങ്ങൾ വ്യക്തമായി പങ്കുവയ്ക്കൽ.

നേട്ടങ്ങൾ :

1. ലളിതമായ ആക്‌സസ്, QR കോഡ് സ്കാൻ ചെയ്തത്‌ എളുപ്പത്തിൽ ചേരാം.
2. 24×7 ലഭ്യത, എപ്പോൾ വേണമെങ്കിലും വിവരങ്ങൾ ലഭിക്കും.
3. വെരിഫൈഡ് സ്രോതസ്സ്, ആർ ബി ഐയിൽ നിന്ന് നേരിട്ട് ശരിയായ വിവരങ്ങൾ.
4. ഭാഷാസൗഹൃദം, ലളിതമായ ഭാഷയിൽ വിവരങ്ങൾ.
5. സുരക്ഷ, തട്ടിപ്പുകൾ തിരിച്ചറിയാൻ സഹായം.
6. സൗജന്യം, ഫീസ് ഇല്ല, പൂർണമായും സൗജന്യ സേവനം.

എങ്ങനെ ചേരാം?

QR കോഡ് സ്കാൻ ചെയ്യുക.

അല്ലെങ്കിൽ 9999 041 935 എന്ന ബിസിനസ് നമ്പറിലൂടെ നേരിട്ട് ആക്സസ് ചെയ്യാം.