2024-25 വാർഷിക പദ്ധതി; വയോജനങ്ങൾക്ക് കട്ടിൽ വിതരണം ചെയ്ത് കൊയിലാണ്ടി നഗരസഭ

• നഗരസഭാ ചെയർപേഴ്‌സൺ സുധ കിഴക്കേപ്പാട്ട് ഉദ്ഘാടനം ചെയ്തു

കൊയിലാണ്ടി: വയോജനങ്ങൾക്ക് കട്ടിൽ വിതരണം ചെയ്‌ത്‌ കൊയിലാണ്ടി നഗരസഭ. 2024-25 വാർഷിക പദ്ധതിയിൽ ഉൾപ്പെടുത്തിയാണ് കട്ടിൽ വിതരണം ചെയ്തത്.ചടങ്ങ് നഗരസഭാ ചെയർപേഴ്‌സൺ സുധ കിഴക്കേപ്പാട്ട് ഉദ്ഘാടനം ചെയ്തു. പരിപാടിയിൽ ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ കെ. ഷിജു മാസ്റ്റർ അധ്യക്ഷത വഹിച്ചു.

ഐസിഡിഎസ് സൂപ്പർവൈസർ ഷബില.കെ പദ്ധതി വിശദീകരണം നടത്തി. പൊതുമരാമത്ത് ചെയർമാൻ ഇ.കെ അജിത്ത് മാഷ്, ആരോഗ്യ സ്റ്റാൻഡിങ് കമ്മിറ്റി ചെയർപേഴ്സൺ പ്രജില. സി, വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ നിജില പറവക്കൊടി, കൗൺസിലർമാരായ വൈശാഖ് കെ.കെ, വത്സരാജ് കേളോത്ത്, റഹ്‌മത്ത്, ആർ. കെ കുമാരൻ, സുധാകരൻ എന്നിവർ ആശംസ അർപ്പിച്ചു സംസാരിച്ചു. വികസന കാര്യാ സ്റ്റാൻഡിങ് കമ്മിറ്റി ചെയർപേഴ്സൺ ഇന്ദിര ടീച്ചർ സ്വാഗതവും ഐസിഡിഎസ് സൂപ്പർവൈസർ റുഫീല ടി.കെ നന്ദിയും പറഞ്ഞു.