കോഴിക്കോട് ഗോകുലം മാളിൽ തീപിടുത്തം

• മാളിനുള്ളിലെ നെസ്റ്റോ ഹൈപ്പർ മാർക്കറ്റിലെ ഇലക്ട്രോണിക്‌സ് വിഭാഗത്തിലാണ് തീപിടിച്ചത്.

കോഴിക്കോട്:അരയിടത്ത്പാലത്തുള്ള ഗോകുലം മാളിൽ തീപിടുത്തം. ഇന്ന് രാവിലെയാണ് ഗോകുലം മാളിൽ തീപിടുത്തം ഉണ്ടായത്. മാളിനുള്ളിലെ നെസ്റ്റോ ഹൈപ്പർ മാർക്കറ്റിലെ ഇലക്ട്രോണിക്‌സ് വിഭാഗത്തിലാണ് തീപിടിച്ചത്. അപകട വിവരം അറിഞ്ഞയുടനെ പോലീസും ഫയർഫോഴ്‌സും സ്ഥലത്തെത്തി രക്ഷാപ്രവർത്തനം നടത്തി. പെട്ടെന്ന് തന്നെ തീ അണച്ചെങ്കിലും, മാളിലാകെ പുക വ്യാപിച്ചു. പുക ഉയർന്നതിനാൽ ഒരാൾക്ക് ശ്വാസ തടസം ഉണ്ടായതായാണ് വിവരം.

അതേസമയം ആളപായമോ കാര്യമായ നാശനഷ്ടങ്ങളോ റിപ്പോർട്ട് ചെയ്തതിട്ടില്ല. എല്ലാവരും സുരക്ഷിതരാണെന്ന് ഗോകുലം മാൾ CEO പറഞ്ഞു. മാളിനുള്ളിലെ വൈദ്യുതി ബന്ധം വിച്ചേദിച്ചതിനാൽ, ലിഫ്റ്റിനുള്ളിൽ കുടുങ്ങിയ ഒരാളെ പിന്നീട് ഫയർഫോഴ്‌സാണ് രക്ഷിച്ച് പുറത്തെത്തിച്ചത്. തീ പടരുന്നത് ശ്രദ്ധയിൽപ്പെട്ട ഉടനെ ജീവനക്കാർ മാളിൽ നിന്ന് പുറത്തിറങ്ങുകയായിരുന്നു. ഫയർഫോഴ്സിൻ്റെയും പോലീസിന്റെയും സമയോചിതമായ ഇടപെടൽ മൂലമാണ് വലിയ ദുരന്തം ഒഴിവായത്.