കേരളത്തിലെ മുഖ്യമന്ത്രി ചർച്ച ; ഡൽഹിയിൽ ഇന്ന് നിർണായക യോഗം

• മുഖ്യമന്ത്രിയെ തീരുമാനിക്കുന്നതിനായി കേരളത്തിലേക്ക് അയക്കേണ്ട രണ്ട് നിരീക്ഷകരെ ഈ യോഗത്തിൽ തീരുമാനിക്കും

ഡൽഹി : കേരളത്തിലെ അടുത്ത മുഖ്യമന്ത്രിയെ തീരുമാനിക്കുന്നതിനുള്ള കോൺഗ്രസ് ഹൈക്കമാൻഡിന്റെ നിർണായക യോഗം ഇന്ന് ഡൽഹിയിൽ നടക്കും. കോൺഗ്രസ് അധ്യക്ഷൻ മല്ലികാർജുൻ ഖാർഗെയുടെ വസതിയിൽ വൈകുന്നേരം നാലു മണിയോടെയാണ് യോഗം നിശ്ചയിച്ചിരിക്കുന്നത്. മുഖ്യമന്ത്രിയെ തീരുമാനിക്കുന്നതിനായി കേരളത്തിലേക്ക് അയക്കേണ്ട രണ്ട് നിരീക്ഷകരെ ഈ യോഗത്തിൽ തീരുമാനിക്കും.

എഐസിസി നിശ്ചയിക്കുന്ന ഈ നിരീക്ഷകർ കേരളത്തിലെത്തി എംഎൽഎമാരെ നേരിട്ട് കണ്ട് അവരുടെ പിന്തുണ ആർക്കാണെന്ന് പരിശോധിക്കും.മുഖ്യമന്ത്രി സ്ഥാനത്തേക്ക് വി.ഡി. സതീശൻ, കെ.സി. വേണുഗോപാൽ, രമേശ് ചെന്നിത്തല എന്നീ മൂന്ന് പേരുകളാണ് നിലവിൽ സജീവമായി ഉയരുന്നത്. ഭൂരിപക്ഷ എംഎൽഎമാരുടെ പിന്തുണ ആർക്കാണെന്നത് ഹൈക്കമാൻഡ് ഗൗരവമായി പരിശോധിക്കും.