സംസ്ഥാനത്ത് ഇന്ന് സ്വർണ്ണവിലയിൽ കുറവ്

• 22 കാരറ്റ് സ്വർണ്ണത്തിന് ഗ്രാമിന് 14,510 രൂപയാണ് ഇന്നത്തെ വില.

തിരുവനന്തപുരം:സംസ്ഥാനത്ത് ഇന്ന് സ്വർണ്ണവിലയിൽ കുറവ് രേഖപ്പെടുത്തി. ഓൾ കേരള ഗോൾഡ് ആൻഡ് സിൽവർ മെർച്ചന്റ്സ് അസോസിയേഷൻ രാവിലെ 9.20 ന് പുറത്തുവിട്ട കണക്കുകൾ പ്രകാരം ഏറ്റവും കൂടുതൽ വിറ്റഴിക്കുന്ന 22 കാരറ്റ് സ്വർണ്ണത്തിന് ഗ്രാമിന് 14,510 രൂപയാണ് ഇന്നത്തെ വില. ഒരു പവൻ സ്വർണ്ണത്തിന് 1,16,080 രൂപ നൽകണം. ഇന്നലെത്തെ അപേക്ഷിച്ച് ഗ്രാമിന് 55 രൂപയുടെ കുറവും പവന് 440 രൂപയുടെ കുറവുമാണ് ഉണ്ടായിരിക്കുന്നത്.

പതിനെട്ട് കാരറ്റ് സ്വർണ്ണത്തിന് ഗ്രാമിന് 11,920 രൂപയും പവന് 95,360 രൂപയുമാണ് ഇന്നത്തെ വില. 14 കാരറ്റ് സ്വർണ്ണത്തിന് ഗ്രാമിന് 9,285 രൂപയും പവന് 74,280 രൂപയുമാണ് ഇന്നത്തെ നിരക്ക്. പതിനെട്ട് കാരറ്റ് സ്വർണം ഗ്രാമിന് 45 രൂപയും 14 കാരറ്റ് സ്വർണം ഗ്രാമിന് 35 രൂപയും കുറഞ്ഞിട്ടുണ്ട്. ഏറ്റവും കുറഞ്ഞ മാറ്റം രേഖപ്പെടുത്തിയ ഒൻപത് കാരറ്റ് സ്വർണ്ണത്തിന് ഗ്രാമിന് 5,985 രൂപയാണ് വില. (പവന് 47,880 രൂപ)