കരിപ്പൂർ വിമാനത്താവളത്തിൽ യാത്രക്കാരുടെ ലഗേജ് ബാഗുകൾ പൊട്ടിച്ചതായി പരാതി

• റിയാദിൽ നിന്ന് എയർ ഇന്ത്യ എക്‌സ്പ്രസിൽ എത്തിയ യാത്രക്കാരുടെ ലഗേജിൽ നിന്നാണ് സാധനങ്ങൾ നഷ്ടപ്പെട്ടതായി പരാതിയുള്ളത്

കരിപ്പൂർ: കരിപ്പൂർ വിമാനത്താവളത്തിൽ യാത്രക്കാരുടെ ലഗേജ് ബാഗുകൾ പൊട്ടിച്ചതായി പരാതി. റിയാദിൽ നിന്ന് എയർ ഇന്ത്യ എക്‌സ്പ്രസിൽ എത്തിയ യാത്രക്കാരുടെ ലഗേജിൽ നിന്നാണ് സാധനങ്ങൾ നഷ്ടപ്പെട്ടതായി പരാതിയുള്ളത്. ലഗേജ് ലഭിക്കാൻ നാല് മണിക്കൂറോളം കാത്തിരിക്കേണ്ടി വന്നതായും യാത്രക്കാർ പരാതിപ്പെട്ടു.റിയാദിൽ നിന്ന് ഇന്ന് രാവിലെ കരിപ്പൂരിലെത്തിയവർക്കാണ് ദുരനുഭവം. നാല് മണിക്കൂറോളം ലഗേജുകൾക്കായി കാത്തിരിക്കേണ്ടിവന്നെന്നും ലഭിച്ച ലഗേജുകളിൽ പലതും പൊട്ടിച്ച നിലയിലായിരുന്നെന്നും യാത്രക്കാർ പറഞ്ഞു.

ഇതേസംബന്ധിച്ച് വിമാനത്താവള അധികൃതരോടും കസ്സ്റ്റംസ് ഉദ്യോഗസ്ഥരോടും വിശദീകരണം തേടിയെങ്കിലും മതിയായ ഔദ്യോഗിക വിശദീകരണങ്ങളൊന്നും ലഭിച്ചില്ലെന്നാണ് യാത്രക്കാർ പറയുന്നത്.