കാന്തൻപാറ വെള്ളച്ചാട്ടത്തിൽ വൈകിട്ട് കാണാതായ യുവാവിൻ്റെ മൃതദേഹം കണ്ടെത്തി
- ചീരാൽ വെള്ളച്ചാൽ സ്വദേശി വെട്ടുകല്ലിൽ അമൽ വിഷ്ണു (32) ആണ് മരിച്ചത്.
മേപ്പാടി : റിപ്പൺ കാന്തൻപാറ വെള്ളച്ചാട്ടത്തിൽ വൈകിട്ട് കാണാതായ യുവാവിൻ്റെ മൃതദേഹം കണ്ടെത്തി. ചീരാൽ വെള്ളച്ചാൽ സ്വദേശി വെട്ടുകല്ലിൽ അമൽ വിഷ്ണു (32) ആണ് മരിച്ചത്.വിവരമറിഞ്ഞയുടൻ കൽപറ്റയിൽ നിന്നുള്ള ഫയർഫോഴ്സ് സംഘം സ്ഥലത്തെത്തി തിരച്ചിൽ ആരംഭിച്ചു.പ്രദേശത്ത് ശക്തമായ ഒഴുക്കുള്ളതിനാൽ അതീവ ജാഗ്രതയോടെയാണ് രക്ഷാപ്രവർത്തനം നടത്തിയത്. തുർക്കിയിലെ ജീവൻ രക്ഷാ പ്രവർത്തകരും ഫയർഫോഴ്് സംഘത്തോടൊപ്പം തിരച്ചിലിൽ പങ്കുചേർന്നു. തുടർന്നുള്ള പരിശോധനയിൽ രാത്രി ഏഴരയോടെയാണ് യുവാവിന്റെ മൃതദേഹം കണ്ടെത്തിയത്.
കോത്തഗിരിയിലെ ഒരു ജുവല്ലറിയിൽ റീജനൽ മാനേജറായി ജോലി ചെയ്യുകയായിരുന്നു അമൽ വിഷ്ണു. മൃതദേഹം നടപടിക്രമങ്ങൾക്കായി ബത്തേരി താലൂക്ക് ആശുപത്രിയിലേക്ക് മാറ്റി. മഴക്കാലത്ത് വെള്ളച്ചാട്ടങ്ങളിലും പുഴകളിലും ഇറങ്ങുന്നത് അപകടകരമാണെന്ന് അധികൃതർ നേരത്തെ മുന്നറിയിപ്പ് നൽകിയിരുന്നു. എന്നാൽ ജാഗ്രത പാലിക്കാത്തത് മൂലം ഇത്തരം ദുരന്തങ്ങൾ ആവർത്തിക്കുകയാണ്.
