സൈക്കിൾ പോളോ ആവേശത്തിൽ കൊയിലാണ്ടി; സംസ്ഥാന ചാമ്പ്യൻഷിപ്പിന് കൊടിയിറങ്ങി

• സമാപന സമ്മേളനം കൊയിലാണ്ടി നിയോജകമണ്ഡലം എംഎൽഎ അഡ്വ. കെ. പ്രവീൺകുമാർ ഉദ്ഘാടനം ചെയ്തു.

കൊയിലാണ്ടി: നാലുദിവസം നീണ്ടുനിന്ന സൈക്കിൾ പോളോയുടെ ആവേശകരമായ പോരാട്ടങ്ങൾക്ക് കൊയിലാണ്ടിയിൽ സമാപനം. കേരള സൈക്കിൾ പോളോ അസോസിയേഷന്റെ ആഭിമുഖ്യത്തിൽ കൊയിലാണ്ടിയിൽ നടന്ന സംസ്ഥാന ചാമ്പ്യൻഷിപ്പ് ഒക്ടോബർ 17ന് ആരംഭിച്ച് 20ന് വൈകിട്ടാണ് സമാപിച്ചത്. സംസ്ഥാനത്തെ വിവിധ ജില്ലകളിൽ നിന്നെത്തിയ കായികതാരങ്ങളുടെ മികവും വേഗവും പോരാട്ടവീര്യവും കൊണ്ട് മത്സരവേദി ആവേശഭരിതമായി.വേഗതയും കൃത്യതയും തന്ത്രപരമായ നീക്കങ്ങളും ഒരുപോലെ ഒത്തുചേരുന്ന സൈക്കിൾ പോളോ മത്സരങ്ങൾ കാണികളിൽ ആവേശം നിറച്ചു. സൈക്കിളിലേറിയുള്ള അതിവേഗ മുന്നേറ്റങ്ങളും പന്ത് നിയന്ത്രിച്ചുള്ള നീക്കങ്ങളും ഗോളിനായുള്ള കടുത്ത പോരാട്ടങ്ങളും മത്സരങ്ങൾക്ക് ആവേശകരമായ കായികാന്തരീക്ഷം സമ്മാനിച്ചു. യുവതാരങ്ങളുടെ മികച്ച പ്രകടനവും കായികമേഖലയിലെ പുതിയ പ്രതിഭകളുടെ സാന്നിധ്യവും ചാമ്പ്യൻഷിപ്പിന്റെ ശ്രദ്ധേയമായ പ്രത്യേകതയായി.

സമാപന സമ്മേളനം കൊയിലാണ്ടി നിയോജകമണ്ഡലം എംഎൽഎ അഡ്വ. കെ. പ്രവീൺകുമാർ ഉദ്ഘാടനം ചെയ്തു. നഗരസഭാ ചെയർപേഴ്സൺ യു.കെ. ചന്ദ്രൻ അധ്യക്ഷത വഹിച്ചു. സംസ്ഥാന വൈസ് പ്രസിഡന്റ് വി.എം. മോഹനൻ സ്വാഗതം പറഞ്ഞു.നഗരസഭാ വൈസ് ചെയർപേഴ്സൺ സി.ടി. ബിന്ദു, സംസ്ഥാന സെക്രട്ടറി ഇ.കെ. റിയാസ്, കോഴിക്കോട് ജില്ലാ സൈക്കിൾ പോളോ അസോസിയേഷൻ പ്രസിഡന്റ് ഡോ. ഹാഷിം മാട്ടുമ്മൽ, ജില്ലാ സെക്രട്ടറി നിതിൻ പി., വാർഡ് കൗൺസിലർമാരായ സി.കെ. ജയദേവൻ, ദൃശ്യ, ദാമോദരൻ, ടി. ഷൈജു, ജിവിഎച്ച്എസ്എസ് പ്രധാനാധ്യാപിക ഷജിത, കോതമംഗലം എൽ.പി. സ്കൂൾ പ്രധാനാധ്യാപകൻ പ്രമോദ്, സ്പോർട്സ് കൗൺസിൽ അംഗം റോയ് ജോൺ, ഹാൻഡ്‌ബോൾ ജില്ലാ സെക്രട്ടറി സിബി, സി. ജയരാജ്, നവീന ബിജു എന്നിവർ ആശംസകൾ നേർന്നു. സംഘാടകസമിതി ജനറൽ കൺവീനർ ശ്രീലാൽ പെരുവട്ടൂർ നന്ദി രേഖപ്പെടുത്തി.

കായികതാരങ്ങളുടെ പങ്കാളിത്തവും സംഘാടന മികവും കൊണ്ട് ശ്രദ്ധേയമായ ചാമ്പ്യൻഷിപ്പ് കൊയിലാണ്ടിയുടെ കായികചരിത്രത്തിൽ ആവേശകരമായ ഒരധ്യായമായി മാറി. സൈക്കിൾ പോളോയ്ക്ക് കൂടുതൽ പ്രചാരം നൽകാനും പുതിയ തലമുറയിൽ കായികാഭിരുചി വളർത്താനും സംസ്ഥാന ചാമ്പ്യൻഷിപ്പ് വഴിയൊരുക്കി.സബ് ജൂനിയർ പെൺ കുട്ടി കളുടെ വിഭാഗത്തിൽ ഇടുക്കി വിജയികളായി രണ്ടാം സ്ഥാനം കോഴിക്കോട്നേടി സബ് ജൂനിയർ ആൺകുട്ടികളുടെ വിഭാഗത്തിൽ ആലപ്പുഴ ഒന്നാം സ്ഥാനം നേടി രണ്ടാം സ്ഥാനം ഇടുക്കി ജൂനിയർ ബോയ്സ് ഇടുക്കി ഒന്നാം സ്ഥാനം എറണാകുളം രണ്ടാം സ്ഥാനം ജൂനിയർ പെൺകുട്ടികളിൽ എറണാകുളം ഒന്നാം സ്ഥാനവും ഇടുക്കി രണ്ടാം സ്ഥാനവും നേടി . വനിതാ വിഭാഗത്തിൽ എറണാകുളം ഒന്നാം സ്ഥാനം ഇടുക്കി രണ്ടാം സ്ഥാനം പുരുഷ വിഭാഗത്തിൽ തിരുവനന്തപുരം ഒന്നാം സ്ഥാനവും ഇടുക്കി രണ്ടാം സ്ഥാനം നേടി . ചാമ്പ്യൻഷിപ്പിൽ ഓവറോൾ ചാമ്പ്യന്മാരായി ഇടുക്കി ജില്ല