നഗരസഭാ തല പരിസ്ഥിതി ദിനം ആചരിച്ചു

• വൃക്ഷത്തൈ നട്ട് നഗരസഭ ചെയർപേഴ്സൺ സുധ കിഴക്കെപ്പാട്ട് ഉദ്ഘാടനം ചെയ്തു.

കോയിലാണ്ടി: നഗരസഭാ തല പരിസ്ഥിതി ദിനാചരണം നഗരസഭ ജൈവ വൈവിധ്യ പാർക്കിൽ ( കൊടക്കാട്ടും മുറി) വൃക്ഷത്തൈ നട്ട് നഗരസഭ ചെയർപേഴ്സൺ സുധ കിഴക്കെപ്പാട്ട് ഉദ്ഘാടനം ചെയ്തു. നഗരസഭാ വൈസ് ചെയർമാൻ അഡ്വ:കെ. സത്യൻ അധ്യക്ഷനായി. സ്റ്റാൻഡിംഗ് കമ്മറ്റി ചെയർമാൻമാരായ കെ.ഷിജു മാസ്റ്റർ, കെ.എ. ഇന്ദിര ടീച്ചർ,പ്രജില.സി, നിജില പറവക്കൊടി, നഗരസഭ ആരോഗ്യ വിഭാഗം ജീവനക്കാരായ പ്രദീപ്കുമാർ,ജമീഷ്, സീന, ഷൈനി, GVHSS കൊയിലാണ്ടി NSS കോർഡിനേറ്റർ ശ്രീമതി വിജി,ADS ചെയർപേഴ്സൺ ബാവ കൊന്നേങ്കണ്ടി എന്നിവർ ആശംസകൾ നേർന്നു. നഗരസഭ ക്ലീൻ സിറ്റി മാനേജർ സതീഷ്കുമാർ പരിസ്ഥിതി ദിനപ്രതിജ്ഞ ചൊല്ലിക്കൊടുത്തു.
വാർഡ് കൗൺസിലർ രമേശൻ വലിയാട്ടിൽ സ്വാഗതവും രമ്യ തിരുവലത്ത് നന്ദിയും പറഞ്ഞു. പരിസ്ഥിതിദിനാചരണ പരിപാടിയിൽ കൊയിലാണ്ടി ഗവ. വൊക്കേഷണൽ ഹയർ സെക്കൻ്ററി NSS വളണ്ടിയർമാരും പുളിയഞ്ചേരി യു പി സ്കൂളിലെ ജൈവവൈവിധ്യ ക്ലബ് അംഗങ്ങളായ വിദ്യാർഥികളും അധ്യാപകരും പങ്കാളികളായി.